رئيس مجلس الادارة:

د.محمود مسلم

رئيس التحرير:

مصطفى عمار

باسم مرسي يفتح النار على الزمالك بعد قرار إنهاء إعارته لـ «سموحة»

06:57 م | الأربعاء 09 يناير 2019
باسم مرسي يفتح النار على الزمالك بعد قرار إنهاء إعارته لـ «سموحة»

باسم مرسي

علق باسم مرسي لاعب نادي الزمالك، على قرار النادي على قطع إعارته إلى نادي سموحة، وعدم استكمال المهمة، والانتقال إلى نادي أخر.

وكتب «مرسي» عبر صفحته الشخصية بموقع التواصل الاجتماعي «تويتر»: "تلقيت اليوم اتصال من مسئول ف نادى الزمالك يطالبنى بالرجوع ، قالى بالنص عندى ليك مفاجأة ، الزمالك عايزك ترجع و تروح نادى تانى بدل سموحة احنا الي أخرنا البطاقة الدولية عشان لو كنت لعبت الماتش مكناش هنعرف نرجعك".

وأكمل: "قبل كدة انا مكنتش بطلع اتكلم ، بس الموضوع يوصل ان يتقال ان التاخير بسببى فى موضوع البطاقة الدولية و تشويه سمعتى ان دة بسبب خلاف مادى بينى و بين النادى اليونانى ف دة مش صحيح".

وأوضح: "انا عقدى اتفسخ رسمى من الاتحاد اليونانى ، لو مكنش اتفسخ رسمى مكنش يحقلى انى اتمرن مع نادى سموحة".

وأشار: "انا فى وقت اقامتى كاملة ف اليونان ، حصلت على ٥ الاف يورو فقط و اتنازلت عن جميع مستحقاتى للزمالك و جددت سنتين اتنازلت فيهم عن ٤ مليون جنيه عشان يوافقوا على احترافى، و عند انتقالى اعارة لسموحة جددت سنة كمان على بياض" .

وشدد: "انا هرجع نادى الزمالك مش لو بالف جنيه لو ببلاش لان شرف ليا انى العب ف نادى الزمالك مكنتش حابب انى اتكلم رغم اتصال عدة برامج بيا من وقت وصولى للقاهرة لتوضيح عدة امور بمقابل مادى بس انا كنت برفض" .