رئيس مجلس الادارة:

د.محمود مسلم

رئيس التحرير:

مصطفى عمار

«مرسي»: الزمالك يضعني أمام خيارين «يا ألعب بألف جنيه أو أروح لآخر فريق في الدوري»

07:05 م | الأربعاء 09 يناير 2019
«مرسي»: الزمالك يضعني أمام خيارين «يا ألعب بألف جنيه أو أروح لآخر فريق في الدوري»

باسم مرسي

كشف باسم مرسي لاعب فريق نادي الزمالك، خيارات النادي الأبيض له، عقب قرار قطع إعارته لنادي سموحة، والعودة لتدريبات الأبيض بداية من الغد.

وقال اللاعب في «تغريدة» له عبر حسابه الخاص على موقع التواصل الاجتماعي «تويتر»: «بسبب موضوع معين بقيت أنا طرف فيه بدون إرادتي.. دلوقتي قدامي اختيار من إتنين.. الأول إني ألعب في الزمالك والمدرب مش عايزني بألف جنيه في ست شهور، والاختيار التاني إني انتقل لفريق ترتيبه الأخير في الدوري»

وتابع «مرسي»، قائلًا: «هل أنا بعد ما لعبت 4 مواسم في الزمالك، حصلنا فيهم على ٥ بطولات وأحرزت ٥٣ جول، ده يكون مصيري من مسئولين نادي الزمالك؟».

وأكمل لاعب الزمالك قائلًا: «أنا حاليًا بعد ما استقريت في الإسكندرية ونقلت أسرتي وأغراضي واستأجرت محل سكن، تم إبلاغي إني لازم ألغي كل ده وأرجع حالًا يا أقعد ست شهور في البيت».

وشدد باسم مرسي قائلًا: «يارب الناس اللي كانت بتتهمني أني مقصر طول الوقت، وبعمل مشاكل تكون الصورة واضحة لهم.. أنا طول الوقت بتحط في مشاكل أنا مش سبب فيها.. أسف على التطويل بس كان لازم التوضيح».