رئيس مجلس الادارة:

د.محمود مسلم

رئيس التحرير:

مصطفى عمار

مستقبل ميتشو مع الزمالك في "إيد الأهلي"

02:59 م | الإثنين 07 أكتوبر 2019
مستقبل ميتشو مع الزمالك في "إيد الأهلي"

ميتشو

انتقد رئيس نادي الزمالك، الصربي ميتشو، المدير الفني للفريق بعد التعادل مع فريق إف سي مصر، بهدف لكل فريق خلال المباراة التي أقيمت بينهما مساء أمس على استاد السلام في الجولة الثالثة للدوري العام.

وكشف مصدر داخل مجلس إدارة نادي الزمالك لـ"الوطن سبورت"، عن أن مباراة القمة أمام الأهلي المقرر لها يوم 19 من الشهر الجاري ببطولة الدوري، ستكون الفرصة الأخيرة للصربي ميتشو، وستحدد مصيره من الاستمرار على رأس المسئولية الفنية، مضيفا: "مستقبل ميتشو مع الزمالك في يد الأهلي".

 رئيس الزمالك يتوعد اللاعبين بعد التعادل مع نادى مصر

وأبدى رئيس الزمالك غضبه الشديد من الانتقادات الموجهة إلى فريق الزمالك بعد التعادل في تصريحات تلفزيونية قائلا: "أنا عايز أعرف هو في إيه، ده تالت ماتش في الدوري، إيه الحرب دي؟ الدوري لسة 34 مباراة".

واستطرد: "في أخطاء؟ أه وفي عقوبات وقرارات لأننا هدفنا نسعد الجماهير، واللاعيبة ظهر عليها الغرور في المباراة، وفي لاعيبة اتنفخت عشان راحت المنتخب".

وتابع حديثه: "خسرنا المباراة بسبب رعونة اللاعيبة، في لاعيبة خايفة على نفسها عشان رايحة المنتخب وخايفة تتعور، خلينا نتكلم بصراحة".

وواصل: "عمر السعيد ويوسف أوباما جاتلهم 100 فرصة وضيعوها قدام الجول، وكان بإيدهم يخلصوا الماتش من الأول".

وأضاف: "الغلطة بدأت باللي عمله طارق حامد مع احترامي لموهبته، خد إنذارات بدون داعي ولولا الإنذارات دي كان زمانه موجود، الولد اللي اسمه حمدي فتحي شتمك سيبه وامشي".

واستطرد: "هو نادي مصر دة مش نادي في الدوري الممتاز، هو نادي في الدرجة التانية، ما وارد إنك تخسر أو تتعادل ماهي الكورة كده".

واستكمل حديثه: "اللي بيحصل والهجوم دة كله هدفه تصدير الإحباط، وبقول للي عاملين نفسهم زمالكاوية وشمتانين في فريقهم انتوا مش زمالكاوية، والأهلاوية اللي شمتانين زي نبيل حلفاوي بيشنوا حرب عايزين يوقعوا الزمالك".