رئيس الزمالك: الخطيب بيقلدني.. "اللي عملته وأنا صغير بيعمله وهو كبير"
02:00 ص | الإثنين 21 أكتوبر 2019
محمود الخطيب رئيس النادي الأهلي
قارن رئيس نادي الزمالك نفسه، بنظيره في الأهلي الكابتن محمود الخطيب، قائلًا إن الأخير يحاول تقليده في كل ما يتخذ من قرارات وإجراءات إدارية، نظرا لافتقاده الخبرة، على حد قوله.
وقال رئيس الزمالك، في مقطع فيديو بثه برنامج "الزمالك اليوم"، المذاع على قناة "الحدث اليوم"، من اجتماع مجلس إدارة النادي الأبيض بعد اكتماله، إن الزمالك شهد طفرة في عهده خلال السنوات الأخيرة على جميع المستويات، وهو ما يجعل مجلس إدارة الأهلي يعمل على تقيلده.
وأضاف رئيس القلعة البيضاء في حديثه عن مجلس إدارة الأهلي: "بعت ناس من عندي تسافر عشان تجيب مدرب أجنبي سافروا هما كمان، حتى لما سفَّرت أمير مرتضى، راح الخطيب باعت أمير توفيق، يعني حتى اختار نفس الاسم".
رئيس الزمالك: الخطيب رئيس نادي من سنتين بس
وواصل رئيس الزمالك: "نزلت الملعب وسط تدريبات الفريق عشان أتكلم مع اللاعيبة وأحفزهم راح الخطيب عمل نفس الكلام ونزل يحفز لاعيبته، يعني اللي عملته زمان وأنا صغير الخطيب جاي يعمله وهو كبير".
وأوضح: "أنا رئيس نادي من 15 سنة، لكن الخطيب رئيس نادي من سنتين بس، عشان كده معندوش خبرة، وهيغلط، وهيتعلم، وهنستحمله مفيش مشكلة، أنا كنت بعمل كده في بداياتي".
وتطرق رئيس الزمالك للحديث عن فوز فريق اليد بالنادي: "إحنا أبطال أفريقيا في كرة القدم لما جبنا كونفيدرالية، وأبطال أفريقيا في كرة اليد كمان، ودي حاجة تسعدنا وتشرفنا".
تعليقات الفيسبوك