أحمد فتحي: اعتذرت لرمضان صبحي على خطأي في مباراة الزمالك
03:47 ص | الأربعاء 30 أكتوبر 2019
أحمد فتحي لاعب الأهلي
أشاد أحمد فتحي لاعب فريق النادي الأهلي الأول لكرة القدم، بالمدير الفني للفريق الأحمر، السويسري رينيه فايلر، قائلًا إنه يهتم بأدق التفاصيل.
وقال فتحي في حواره مع الإعلامي سيف زاهر، على برنامج "ملعب أون"، المذاع على قناة "أون سبورت": "فايلر بياخد باله من كل حاجة في الملعب، في مباراة الأهلي والزمالك الأخيرة في السوبر، عملت غلطة معينة وأنا كنت عارف إني غلطان".
وأضاف "الجوكر": "الغلطة كانت صغيرة ومش هقول عليها، لكن أنا لما بغلط ببقى عارف كويس غلطت في إيه من غير ما حد يكلمني، الناس كلها قالتلي عملت ماتش هايل بس أنا كنت عارف إني أخفقت في شيء معين".
وتابع: "بعد المباراة فوجئت بفايلر بيقولي أنت مش هتكون أساسي المباراة الجاية وهاني هيلعب، ولاقيته بيقولي استبعادك مش بسبب الغلطة اللي عملتها على فكرة، اتفاجئت إنه واخد باله وقولتله في سري خدت بالك إزاي يابن اللذينة".
فتحي يوجه رسالة لمحمد محمود: "شد حيلك وهترجع أفضل من الأول"
وعن تقبله لحديث اللاعبين معه عند الخطأ قال: "بتقبل الكلام من أي حد لما أكون غلطان، الغلطة اللي بتكلم عليها دي في مباراة الزمالك لما عملتها رمضان صبحي اتكلم معايا، رغم إنه أصغر واحد في الملعب قولتله أنا آسف".
وتطرق فتحي للحديث عن لاعب وسط الأهلي محمد محمود الذي أصيب بقطع في الرباط الصليبي للمرة الثانية على التوالي موجهًا إليه رسالة دعم: "بقولك يا محمد أنت لاعب كبير ومحترم وأنا بحبك جدًا على المستوى الشخصي، شد حيلك وإن شاء الله ترجع بالسلامة وأفضل من الأول".
تعليقات الفيسبوك