نادر السيد: الأهلي تعاقد معي لتحفيز الحضري.. وندمت على ارتداء قميصه
07:44 ص | الإثنين 18 نوفمبر 2019
نادر السيد وعصام الحضري
قال نادر السيد، حارس مرمى الأهلي والزمالك ومنتخب مصر السابق، إن انتقاله للقلعة الحمراء كان هدفه تحفيز عصام الحضري من قبل إدارة النادي، ليقدم أفضل ما لديه، لافتا إلى أنه إذا عاد به الزمن لن يوافق على ارتداء القميص الأحمر.
وقال السيد، خلال استضافته ببرنامج "سوبر تايم" مع الإعلامي كريم خطاب، المذاع عبر قناة "تايم سبورت": "تحدث مع إدارة الأهلي قبل الانتقال، وقلت لهم بالحرف يا جماعة عندكم عصام الحضري وهو حارس كويس، قالولي: لا أنت رقم واحد وأنت اللي هتلعب، واحتمال عصام يطلع إعارة لنادي تاني".
وتابع: "روحت الأهلي بعد مباراة مصر وكوت ديفوار في تصفيات أمم أفريقيا، وقتها مستر جوزيه وقتها قالي قدامك أسبوع وهتلعب، والأسبوع ده قعد سنة، وحسيت اني أكبر من أني أقعد معاه وأقوله أنا ليه مش بشارك".
وأضاف: "دائما كنت بسمع أصل عصام ماشي كويس، أصل عصام مش موفق فمينفعش نقعده ولازم يقف على رجليه، يقف عصام على رجليه فيرجع يقول طب إزاي هنقعده".
نادر السيد: تعرضت لظلم تاريخي في الأهلي
وأردف: "الحقيقة ولازم نكون واقعيين، الأهلي تعاقد معي لتحفيز عصام الحضري، ودي كان فيها ظلم تاريخي ليا.. دائما بقول أن أكتر نادي اديتله هو الأهلي، اه أخدت تقدير واحترام من الجماهير ولكن ده لا يكفيني كلاعب كرة، علاقتي كلاعب خسرت طبعا كتير جدا، أنا مش رايح علشان أقعد على الدكة، ومكنتش محتاج ساعتها نادي كبير علشان أكبر اسمي، كنت محتاج ألعب للانضمام للمنتخب".
وعن فرص تكرار الأمر لو عاد به الزمن للوراء، قال: "لو رجع بي الزمن لن انتقل للأهلي في ظل هذه الظروف، وعرض الأهلي كان أقل من عقدي مع المصري وقتها".
تعليقات الفيسبوك