علي لطفي حارس مرمى النادي الأهلي
وجه علي لطفي حارس مرمى الفريق الأول لكرة القدم بالنادي الأهلي، رسالة لزميله شريف إكرامي والذي أعلن النادي الأحمر رحيله نهاية الموسم.
وكتب لطفي عبر حسابه بموقع التواصل "انستجرام" :"كابتن شريف إكرامي مش عارف أبدأ منين ولا أقولك إيه غير إنك فعلاً من أحسن وأنضف الشخصيات إلي عرفتها مش على مستوى الكورة بس ده في حياتي كلها".
وأضاف: "كنت دايماً بتنصحني وبتدلني للخير ليا دايماً وكان شرف ليا إني كنت قريب ليك في النادي أستفدت منك كتير جداً بره الملعب وجوه الملعب".
وتابع: "في كل تمرينه وكل موقف كنت بتعلم منك حاجة، أنا قبل ما أجي النادي الأهلي كنت بحبك من تعاملاتك الراقية معايا في معسكرات المنتخب بس لما قربت منك ربنا يعلم أنت بقيت عندي إيه ومن أكتر الشخصيات الي أثرت فيا في حياتي".
وزاد: "ربنا يكتبلك الخير في خطوتك الجايه أنت مكسب لأي مكان في أي منصب وإن شاء الله هتبقي خطوة موفقه ليك مع إني ملحقتش أشبع منك السنتين تلاتة دول يا وحش أفريقيا يا محترم".
وكان النادي الأهلي أعلن الموافقة على طلب شريف إكرامي، بالرحيل عن المارد الأحمر بنهاية عقده مع انتهاء الموسم الجاري، لرغبته في العودة للمشاركة في المباريات بشكل أساسي، وهو ما يصعب تحقيقه حاليا داخل النادي الأهلي لاعتماد المدير الفني رينيه فايلر على محمد الشناوي.
تعليقات الفيسبوك