إكرامي يوضح حقيقة ضربه لصالح جمعة.. ويؤكد: مفيش بينه وبين الأهلي "كيميا"

أخبار متعلقة

شريف إكرامي يكشف كواليس اجتماعه مع اللجنة الفنية بالأهلي

شريف إكرامي: أفكر في كل العروض المعروضة علي.. ولن أنتقل للزمالك

إكرامي عن أحداث السوبر: "كارثة".. وعاتبت كهربا على تصرفاته

رمضان صبحي: رحيل إكرامي أمر يخصه وحده.. وأجلت حسم مصيري لنهاية الموسم

أوضح شريف إكرامي حارس مرمى الأهلي، كواليس مشاجرته مع صالح جمعة زميله في الفريق، في غرفة خلع ملابس الأحمر في وقتٍ سابق.

ونفى إكرامي خلال استضافته في برنامج ملعب أون على قناة "أون تايم" مع الإعلامي سيف زاهر، تعديه بالضرب على جمعة كما أشيع، وقال: "إحنا معندناش ضرب في النادي الأهلي، أنا ممكن تقول عنفته ومش استعراض مثلا أو منظرة، ده عشان مينفعش حد يخرج عن السلوك العام للنادي وساعتها لازم نقومه".

إكرامي: صالح جمعة أسلوب حياته غريب

وأضاف: "علاقتي بصالح كويسة جدا، هي كل مشكلته إن أسلوب حياته غريب بالنسبة للناس، لكن بالنسباله هو طبيعي، الخروج والسهر ده جزء من حياته وهو شايف أنها حاجة عادية".

وأكمل: "مش حابب أتكلم عن صالح بشكل سلبي دلوقتي خاصةً أن مفيش حد بيتكلم عنه بشكل إيجابي، عشان لو ملوش فرصة في الأهلي منقتلش فرصته في مكان تاني".

وعن إمكانية أن يكون له دور مع الأهلي قال: "أعتقد أنه هيكون صعب لأن مفيش كيميا بينه وبين الأهلي".

وكان إكرامي أعلن رحيله عن القلعة الحمراء نهاية الموسم الجاري، باحثا عن فرصة جديدة في نادٍ آخر.