مودي الجارحي
شن مودي الجارحي لاعب فريق كرة السلة بالنادي الأهلي، هجوما لاذعا على نجوم القلعة الحمراء الذين خرجوا لينتقدوه خلال الأيام الماضية، بسبب أزمة مؤمن زكريا.
وكتب الجارحي عبر حسابه الرسمي على موقع التواصل الاجتماعي "فيس بوك": "النادي الأهلي خيره علينا كلنا موضوع مش محتاج للنقاش أصلا دي حاجة مفروغ منها، النادي بيديك شهرة وفلوس وحب الناس وكل حاجة حلوة يتمنهاها أي رياضي في مصر وفي أفريقيا وفي العرب".
وأضاف: "في نفس الوقت اللي إحنا في اليومين دوول الموضوع مش محتاج أننا نزايد على بعض في حبنا للنادي، الأهلي مش كل واحد هيطلع يعمل بطل دلوقتي عشان يكسب عطف جمهور النادي، ومحدش هيعرف يضحك عليه هما عارفين مين أهلاوي بجد و مين بيمثل انوا أهلاوي وأهم حاجة عنده مصلحته".
وأكمل: "النادي الأهلي حلم لأي رياضي يخوش من بوابة النادي، جماهير النادي هي الوحيدة اللي خيرها عليه عشان الناس دي مش بتستفيد أي حاجة غير أنها بتحب النادي من قلبها و بس، وممكن يموتوا نفسهم عشان يشوفوا ناديهم بيكسب وبالعكس بيصرفوا من جيبهم عشان يروحوا ماتشات هما دول اللي بجد بيضحوا عشان الأهلي".
وأضاف لاعب سلة الأحمر: "غير كده الكل بيستفيد من النادي الاهلي و طبعا في لعيبة كتير مخلصة و بتحب النادي من قلبها و ضحوا بحاجات كتير عشان يكونوا موجودين في النادي، بس في الأول والأخر اللاعب أو المدرب أو الموظف أو العامل أو المسؤول خيره عليهم كلهم، الحاجة المتأكد منها أن محدش هيخاف ولا هيحب ولا عايز مصلحة النادي أكتر من ولاده مع كامل احترامي للجميع، طبعا في استثنائات لعيبة بتيجي من برة النادي تحس أنهم متربيين جوا النادي زي أبو تريكة، بس دول حالات خاصة بييجوا كل فترة من الزمن، الأهلي فوق الجميع".
يذكر أن حسام غالي نجم الأهلي السابق، نشر صورة مع مؤمن زكريا، عبر حسابه على إنستجرام، وعلق عليها: "مش عاجبني اللي بيحصل مع اللاعب".
وكان اللاعب، أشار في تصريحات تلفزيونية إلى مروره بأزمة نفسية تزيد من الضغوط التي يتعرض إليها في رحلته العلاجية.
تعليقات الفيسبوك