أحمد دويدار مطالبا بعودة الدوري: شعار المرحلة المقبلة انزل شغلك واحمي نفسك

أخبار متعلقة

أحمد دويدار: رأيت أعمال السحر بعيني داخل الزمالك.. وعماد السيد شاهد

وفاة "عم" أحمد دويدار لاعب الزمالك السابق

مؤمن سليمان: "أحمد دويدار باس ايدي بعد ثلاثية صن داونز ثم هاجمني"

بالصور| أحمد دويدار يصافح لاعبي الزمالك ويهنئهم بلقب الكونفدرالية

أكد أحمد دويدار مدافع الفريق الكروي الأول السابق بنادي الزمالك، والإنتاج الحربي الحالي أنه لابد من عودة مسابقة الدوري خلال الفترة المقبلة، والتعايش مع فيروس كورونا المستجد.

 وكتب دويدار عبر حسابه الشخصي على موقع التواصل الاجتماعي "إنستجرام": "الخلاصة مفيش علاج لكورونا قبل سنة أو سنتين أو لا قدر الله مش هنلاقي علاج خالص وكل ده في إيد ربنا وحده، إحنا بقى هنفضل قاعدين في البيت ونستنى ومعظم الناس شغلها واقف وبقت ظروفها صعبة جدا أكيد ده مش هيحصل".

تفكير إلغاء الدوري مصلحة شخصية 

وأضاف دويدار: "أما عن التفكير في إلغاء بطولة الدوري هو تفكير في المصلحة الشخصية وهروب من المسؤولية لأنك لو هتلعب الدوري الجديد في أكتوبر حضرتك متأكد أننا هنلاقي علاج والأمور تتحسن أكيد لأ، الأزمة ببساطة حلها باين جدا دلوقتي لازم الحياة ترجع لطبيعتها وكل الناس ترجع لشغلها مع تطبيق طرق الوقاية في أماكن العمل وكل واحد يخاف على نفسه".

وأختم كلامه قائلا: "شعار المرحلة المقبلة انزل شغلك واحمى نفسك، وأعتقد العالم كله هيعمل كده بداية من الشهر القادم لأن مفيش حل غير كدا، وربنا يسترها علينا وعليكم".