عمرو السولية لاعب الأهلي
استقر عمرو السولية لاعب وسط الفريق الأول بالنادي الأهلي، على تقديم بلاغ لمباحث الإنترنت، لاتخاذ موقف ضد بعض الحسابات التي اخترقت خصوصيته وقامت بالتحرش بابنته التي لم تتجاوز ثلاث سنوات ونصف، بعد نشر صور لها عبر مواقع التواصل الإجتماعي.
وجاء استقرار السولية على اتخاذ الطرق القانونية تجاه بعض المتجاوزين، بسبب عدم احترامهم لخصوصيته، ومحاولة للقضاء على التحرش وتنظيف المجتمع من بعض الأشخاص الذين يحاولون بث الخوف والرعب في قلوب الأباء والأمهات عن طريق التحرش، ولمحاولة تحقيق مناخ جيد للجميع للعيش فيه بعيدًا عن التحرش الذي زاد في الفترة الأخيرة.
ورد السولية عبر تويتر، عقب ساعات من نشر صورته معها على هذه التعلقيات قائلا: "بنتي ليلى عندها 3 سنين ونص، لسه قالعة البامبرز الكلام ده بيتقال على طفلة، إيه اللي يخلي بني آدم خنزير ممكن يبص على لبس طفلة ويركز غير إنه فعلا خنزير، إيه المرض دة، دول اللي لما بيكبروا بيكونوا مغتصبين ومتحرشين وبنخاف على بناتنا وأهلنا ينزلوا الشارع علشان ميتعرضوش لأذاهم".
وتابع: "أتمنى الشيوخ اللي بيبرروا التحرش ولبس البنت يكونوا مبسوطين دلوقتي وهما شايفين اللي بيحصل، قررت أتقدم ببلاغات ضد أصحاب الكومنتات دي علشان اللي زيهم دول مينفعش يكبروا وسطنا، قررت أحمي بناتي اللي لسه مشافوش الدنيا وللأسف خايف عليهم يشوفوا كمية القرف والاشمئزاز ده".
تعليقات الفيسبوك