سيف زاهر لـ كهربا: حافظ على نفسك.. مش كل يوم هتجيلك فرصة في الأهلي

أخبار متعلقة

كهربا ينفذ عقوبة التجميد والاستبعاد بعد خناقة الشناوي

الزمالك يستعين بسيد عبدالحفيظ لشكوى "كهربا" في فيفا

ظهور كهربا في مدرجات ستاد القاهرة بعد "خناقة التتش" (فيديو)

48 ساعة تفصل كهربا عن العودة للمشاركة مع الأهلي

تحدث الإعلامي سيف زاهر، عن الأزمة الأخيرة التي نشبت بين محمود عبد المنعم كهربا، جناح الأهلي، ومحمد الشناوي حارس الفريق الأحمر، موجهاً نصيحة لجناح الأهلي الشاب بعد كثرة أزماته منذ انضمامه لصفوف القلعة الحمراء.

وقال سيف زاهر، خلال تقديمه برنامج "ملعب أون تايم" على قناة "أون تايم سبورتس": "موقف كهربا وارد يحصل من أي لاعب لكنه مش عادي، كهربا غلط غلط كبير لأنه أخطأ في حق النادي الأهلي، واتعاقب بأكبر غرامة في تاريخ النادي الأهلي".

وأضاف: "نصيحتي لكهربا ارتداء فانلة الأهلي شرف كبير، عشان كده حافظ على نفسك وخلي بالك من نفسك، وحافظ على الفرص اللي بتجيلك لأنها مش هتكرر كتير، مش كل يوم هتجيلك فرصة في النادي الأهلي".

وتابع: "جمهور النادي الأهلي هيجي وقت مش هتلاقيهم، لأن المواقف دي بتاخد منك، وأنا نصحتك قبل كده بعد التواجد في تجمع للفنان محمد رمضان في الساحل الشمالي، فنان كبير لكن كان في زحمة وناس كتير وأنت لاعب كبير في النادي الأهلي، بنصحه عشان بحبه، قد تكون الفرصة الجاية الأخيرة، لكن متراهنش على رصيدك في حب الجمهور".