وليد سليمان لـ محمد يوسف: "تستحق تدريبنا".. ومشجع يرد: "مش عزبتك"

04:53 م | السبت 26 سبتمبر 2020
وليد سليمان لـ محمد يوسف: "تستحق تدريبنا".. ومشجع يرد: "مش عزبتك"

وليد سليمان

وجه وليد سليمان لاعب النادي الأهلي رسالة لمحمد يوسف المدرب المحتمل للأهلي بعد اقتراب رحيل السويسري رينيه فايلر عن القيادة الفنية للفريق.

وكتب سليمان في رد على تدوينة نشرها محمد يوسف: "والله ياكابتن حضرتك تستاهل كل خير وقدها وقدود ربنا يارب يوفقك وتستحقها عند جدارة وجدير بيها وزي ما عملتها في 2013 إن شاء الله قادر تعملها في 2020".

ورد أحد المشجعين عليه قائلًأ: "والله لو في إدارة محترمة تجمد حضرتك لآخر الموسم وتنهي عقدك يا كابتن.. واضح إنك مش عايز فايلر يكمل عشان حضرتك تلعب كل ماتش من أوله لآخره.. احترم سنك وتاريخك النادي مش عزبتك".

ورد وليد سليمان: "الأهلي أكبر من أي حد والأهلي اللي بيضيف لأي حد إن كان مدرب أو لاعب علشان كدة عمر الأهلي ما بيقف على أي شخص مهما كان علشان كدة ياريت نبطل تعليقات بطريقة مش لطيفه وأنا مليش غرض من أي شيء علشان في ناس بتستخف دمها أنا مشجع قبل ما أكون لعيب".

وحسم محمد يوسف، مدرب الفريق الأول لكرة القدم بالنادي الأهلي الأسبق، الجدل حول توليه منصب المدير الفني للفريق الأحمر خلفًا للسويسري رينيه فايلر، المدير الفني الحالي للفريق، بعدما أقترب الأخير من الرحيل.

وكتب يوسف على حسابه الشخصي على مواقع التواصل الاجتماعي "فيس بوك": "أنا ابن الأهلي فأينما كان العمل سأكون على قدر المسؤولية بإذن الله لإنكم خلفي، جماهير النادي الأهلي الوفية والعريقة رأيت التصريحات بالفترة الأخيرة عن رحيل مدرب الأهلي رينيه فايلر، وترشيحي لتولي المسؤولية بدلاً عنه، صحيح أن تدريب الأهلي حلم ومكانة عظيمة لمن يحمل لواء هذا الشرف فهو الفخر بذاته، ولكني تعجبت من زيادة التصريحات وانتشارها بقوة في أغلب صفحات السوشيال ميديا الأهلاوية".