أيمن طاهر: كنت أتمنى خروج عواد معاراً.. والشناوي أفضل حارس في مصر
05:31 ص | الثلاثاء 06 أكتوبر 2020
محمد عواد حارس نادي الزمالك
تحدث أيمن طاهر مدرب حراس مرمى منتخب مصر، عن رأيه في الحارس الأفضل بمصر خلال الوقت الحالي، وابتعاد محمد عواد عن المشاركة مع الزمالك خلال الفترة الحالية.
وقال أيمن طاهر خلال استضافته ببرنامج ملعب أون تايم على شاشة قناة أون تايم سبورتس: "أنا عندي قاعدة من 10 حراس في مصر، وشايف كل الحراس وبتكلم معاهم كلهم، عواد كان معايا في التجمع الأول لمنتخب مصر".
وأضاف: "كان نفسي عواد يطلع من الزمالك، وهو كلمني وقولتله يحاول يطلع عشان يلعب، محصلش نصيب".
وتابع: "أحمد الشناوي بعيد بقاله فترة، وشريف إكرامي راح من الأهلي إلى بيراميدز، وجنش بعد الإصابة لعب شوية وقعد تاني، لكن في مجموعة تانية شغالة كويسة في الدوري، مثل أبوجبل والمهدي سليمان والهاني سليمان".
واستكمل: "محمد الشناوي مستواه ممتاز من الموسم الماضي، مفيش منافسة في مركز حراسة مرمى المنتخب، هو رقم 1 إلا لو حصل حاجة، لكنه أكتر حارس مرمى اشتغل كخبرات وكمباريات بصفة منتظمة وثبات مستواه كعامل مهم في حصول الأهلي على لقب الدوري".
وواصل: "الباقي عليهم أن يتنافسوا للانضمام للمنتخب، وفي القائمة النهائية سيتنافس الجميع، لرفع مستوى الحارس الأول واختيار الأفضل، استمرارية اللعب والسمات الشخصية وثبات المستوى هي سر اختيار الحارس الأساسي".
مدرب حراس المنتخب: أحمد الشناوي قصر في حق نفسه
قال أيمن طاهر مدرب حراس مرمى منتخب مصر، أن أحمد الشناوي من أفضل الحراس في مصر، لكنه مقصر في حق نفسه.
وتحدث طاهر خلال برنامج ملعب أون تايم قائلاً: "أحمد الشناوي من أفضل حراس المرمى الموجودين في مصر كموهبة، لكن يصعب عليك أن حارس عنده الإمكانيات دي ومقصر في حق نفسه".
وأضاف: "اتكلمنا مرة واثنين وتلاتة وأربعة، لكن مفيش المردود اللي أنت عايزه، أنت مبقتش صغير المفروض تكون في مكانة تانية خالص، وأعتقد أنه ملتزم اليومين دول".
تعليقات الفيسبوك