باسم مرسي: عندي أكثر من عرض.. وعايز أرجع ألعب في منتخب مصر

أخبار متعلقة

باسم مرسي عن مفاوضات عودته للزمالك: أحدد مستقبلي نهاية الموسم

باسم مرسي عن السوشيال ميديا: "مش متابع".. وهشجع الأهلي ضد الوداد

الإنتاج الحربي يقسو على نادي مصر بثلاثية نظيفة (فيديو)

بركات: البدري يرغب في ضم رمضان صبحي للمنتخب.. ونتابع أداء 50 لاعبا

أكد باسم مرسي، مهاجم فريق الإنتاج الحربي، سعادته بتسجيل هدفين مع ناديه في شباك فريق إف سي مصر، في مباراة مؤجلة من الجولة الثامنة عشرة من الدوري المصري الممتاز.

وقال باسم مرسي، نجم نادي الزمالك السابق، في تصريحات لبرنامج جمهور الثالثة على شاشة أون تايم سبورتس: "طموحي هو العودة للمنتخب الأول بعد تسجيل 8 أهداف هذا الموسم، قدمت موسم مميز مع فريقي وربنا بيكرمني، الواحد بيعافر والإصابة عطلتني شوية ومركز أكتر بعد كورونا، وأشكر إياد مدرب اللياقة البدنية الخاص بي لأنه ساعدني بعد إصابتي بفيروس كورونا".

وواصل: "بشكر زملائي والإدارة، نادي الإنتاج الحربي فضله عليا قبل أي حاجة وتحت أمرهم، عندي أكثر من عرض وأنا موجود ومستريح في الإنتاج الحربي، ولو حاجة جت والنادي رحب هرحب بيها أنا كمان لكن بعد نهاية الموسم".

وأضاف: "أنا بتمرن بس وبلعب ماتشات بس لأن ده رزقي وشغلي، عايز أمثل بلدي وأخدم النادي اللي بلعب فيه، وبصراحة نادي الإنتاج بيساعدني على ده، معنديش حاجة تانية أركز فيها".

تابع: "غيرت نظام حياتي من الأكل والنوم والتدريبات عشان أرجع تاني كويس، وأرجع للمستوى اللي كنت بلعب فيه والناس شايفاني عنده، اللي فات صفحة وقفلتها بالحلو والمر اللي فيها".

واستكمل: "أنا عندي 28 سنة، لسه في أفضل وقت أقدر أقدم فيه مستوى في الكورة، أنا بعمل اللي عليا، مبطلعش على السوشيال ميديا، وتركيزي في التمرين حتى لو هتدرب 7 ساعات، معدش عندي وقت أضيعه تاني، عايز أرجع ألعب في منتخب مصر تاني، بستغل كل دقيقة بلعبها، وربنا بيكافئني".

واختتم حديثه: "منظومة الإنتاج الحربي محترمة، إدارة وجهاز فني ولاعبين على أعلى مستوي، اتشرفت باللعب مع زملائي في الإنتاج وكلهم بيخافوا على بعض وبيساعدوني جداً".

الإنتاج يقسو على نادي مصر بثلاثية نظيفة

حقق الفريق الأول لكرة القدم بنادي الإنتاج الحربي، فوزًا مستحقًا على نادي مصر، بثلاثية نظيفة، في اللقاء الذي جمع الفريقين، عصر أمس الاثنين، ضمن مؤجلات الأسبوع الـ18 من عمر الدوري المصري الممتاز في نسخته الـ 61.

وجاءت ثلاثية العجلات الحربية عن طريق، باسم مرسي، في الدقيقة 20، ومحمد فييرا في الدقيقة 28، ثم عاد باسم مرسي وسجل الهدف الشخصي الثاني له، والثالث لفريقه في الدقيقة 57.