رمضان صبحي: كنت عايز أحترف.. وصلاة الاستخارة سر رحيلي إلى بيراميدز

12:43 ص | الثلاثاء 27 أكتوبر 2020
رمضان صبحي: كنت عايز أحترف.. وصلاة الاستخارة سر رحيلي إلى بيراميدز

رمضان صبحي لاعب بيراميدز

أكد رمضان صبحي لاعب نادي بيراميدز الحالي، ولاعب هيدرسفيلد تاون الإنجليزي السابق، أنه كان يتمنى الرحيل عن الأهلي، من أجل الاحتراف في الخارج، وتفاجأ من عدم وجود عروض مقدمة له عقب تألقه مع المنتخب الأولمبي.

وقال صبحي خلال استضافته في برنامج "الحكاية"، الذي يُعرض على شاشة "MBC مصر": "قعدت مع أمير توفيق بعد فترة التوقف بسبب الكورونا، وقولتله احترف تاني، ده طموحي ونفسي أحارب عليه، كانوا عايزين أني أكمل في الأهلي عشان أفريقيا والدوري بس، وكان حق النادي الإنجليزي عشان فاضلي سنة في عقدهم كنت همشي مجاني لو حصل كده".

وأضاف: "كنت حاسس بأنهم مش عايزين يشتروني، مكنش في عروض بتيجي لوكيلي وكانت علامة استفهام كبيرة لأني لعبت بطولة كويسة مع المنتخب الاولمبي، النادي بدأ يتحرك مع ضغط الجمهور، حسيت أن في 24 ساعة في ضغط كبير عليا، العلاقة بيني وبين نادر شوقي كويسة جداً، وأنا احتراماً ليه كان فيه ناس بتجيلي عروض بس كنت قافل الباب".

وتابع: "طلبت من أمير توفيق الانتظار يومين أو ثلاثة، كلمت صديقي علي صقر، وكنت عايز أحترف بره، كنت بقول لأمير توفيق يبلغ التفاصيل لكابتن الخطيب أشوف بليل إعلامي بيقول أخبار العروض اللي بتجيلي وبيقول كلام مش حقيقي أني بخلص مع الأهلي مع أني كنت بتفق أني أحترف بره، أول حد عرف أن بيراميدز كلموني هو أمير توفيق، قالي وأنت هتروح قولتله لا هفكر، بعدها صليت استخارة وروحت بيراميدز".