رئيس مجلس الادارة:

د.محمود مسلم

رئيس التحرير:

مصطفى عمار

رمضان صبحي: حدثت مشادات بيني وبين سيد عبدالحفيظ.. وقولتله مش هتخصم مني

01:18 ص | الثلاثاء 27 أكتوبر 2020
رمضان صبحي: حدثت مشادات بيني وبين سيد عبدالحفيظ.. وقولتله مش هتخصم مني

سيد عبدالحفيظ مدير الكرة بالنادي الأهلي

كشف رمضان صبحي المنضم حديثاً لصفوف فريق بيراميدز، ولاعب هيدرسفيلد تاون الإنجليزي والأهلي السابق، عن وجود خلافات سابقة بينه وبين سيد عبدالحفيظ مدير الكرة بالفريق الأحمر.

وقال رمضان صبحي خلال استضافته في برنامج "الحكاية"، الذي يُعرض على شاشة "MBC مصر": "كان في مشادات بيني وبين سيد عبدالحفيظ، ومكنتش غلطان في أزمتي مع بادجي، كنت بقوله باصي أكثر من مرة اتعصب واتضايق، وأنا كنت مقدر ده، وبلغت لاعبي الأهلي أني رايح أصالحه بعد التمرين".

وتابع: "وأنا داخل الأوضة عشان أصالح بادجي، قابلت كابتن سيد عبدالحفيظ قالي هيتخصم منك فلوس، قولتله ليه أصلا أنا مش غلطان، وحضرتك مش هتخصم مني حاجة".

واستكمل: "اتخصم مننا 10% من الراتب السنوي بعد هزيمة صن داونز التاريخية، واللاعيبة كلها وافقت، أنا اللاعب الوحيد اللي اتخصم مني 10% على سنتين، الـ 6 شهور الإعارة والسنة اللي بعدها، وأبلغت محمود الخطيب رئيس النادي بما حدث قالي استحالة، وبعدها عرف أنه حصل بأوامر من سيد عبدالحفيظ".

واختتم: "كنت كل ما أسأل كابتن سيد يقولي شوف كابتن الخطيب، على أساس أنه عارف كل حاجة واكتشفت أن دي مش حقيقة، للأسف البعض استخدم الجمهور ضدي".