أحمد عيد عبدالملك: محدش هينزل ملخص لمسات رمضان صبحي مع عمرو أديب؟
05:18 ص | الثلاثاء 27 أكتوبر 2020
أحمد عيد عبد الملك نجم الزمالك السابق
علق أحمد عيد عبد الملك نجم الزمالك السابق، على ظهور رمضان صبحي لاعب بيراميدز الحالي، والأهلي السابق، كضيف في برنامج الحكاية مع الإعلامي عمرو أديب، عبر شاشة قناة "MBC مصر".
وكتب أحمد عيد عبر حسابه الشخصي على موقع التواصل الاجتماعي "تويتر": "محدش هينزل ملخص لمسات رمضان صبحي مع عمرو أديب علشان متفرجتش".
رمضان صبحي: أشخاص داخل الأهلي كانوا يرغبون في رحيلي
أكد رمضان صبحي، لاعب بيراميدز الحالي، أن هناك أشخاصا داخل النادي الأهلي، لم يرغبوا في استمراره داخل صفوف الفريق الأحمر، بعد استئناف منافسات الدوري، عقب التوقف الذي حدث بسبب انتشار فيروس كورونا.
وقال صبحي خلال استضافته في برنامج "الحكاية"، الذي يُعرض على شاشة "MBC مصر"، ويقدمه الإعلامي عمرو أديب: "بدأت هنا في النادي الأهلي، احترفت من النادي الأهلي في إنجلترا، لكن جاتلي إصابة مع هيدرسفيلد عطلتني، ولما رجعت أخدت فترة بعد إصابة تانية، اتفرجت على ماتش الأهلي والترجي في إياب نهائي أفريقيا، أنا كنت بنهار يوم هزيمة الأهلي أمام الترجي، حسيت أني عايز أرجع الأهلي".
وأضاف: "كلمت حسام غالي ومحمد فضل قولتلهم لازم أرجع مش قادر، مشيوا بعدها ولكن كملت المفاوضات مع أمير توفيق، كنت عايز أقدم حاجة كويسة، وأساعد بأي شيء، لكن في أول 6 شهور مكنتش في أحسن حالاتي مع الأهلي، وصلني إحساس غير مباشر أن فيه أشخاص جوه الأهلي مش عايزين رمضان صبحي بنفس القوة زي الأول، ومش عايزين أني أكمل مع الفريق".
واستكمل: "قعدت مع أمير توفيق بعد فترة التوقف بسبب الكورونا، وقولتله احترف تاني، ده طموحي ونفسي أحارب عليه، كانوا عايزين أني أكمل في الأهلي عشان أفريقيا والدوري بس، وكان حق النادي الإنجليزي عشان فاضلي سنة في عقدهم كنت همشي مجاني لو حصل كده".
وواصل: "كنت حاسس بأنهم مش عايزين يشتروني، مكنش في عروض بتيجي لوكيلي وكانت علامة استفهام كبيرة لأني لعبت بطولة كويسة مع المنتخب الاولمبي، النادي بدأ يتحرك مع ضغط الجمهور، حسيت أن في 24 ساعة في ضغط كبير عليا، العلاقة بيني وبين نادر شوقي كويسة جداً، وأنا احتراماً ليه كان فيه ناس بتجيلي عروض بس كنت قافل الباب".
وأتم: "طلبت من أمير توفيق الانتظار يومين أو ثلاثة، كلمت صديقي علي صقر، وكنت عايز أحترف بره، كنت بقول لأمير توفيق يبلغ التفاصيل لكابتن الخطيب أشوف بليل إعلامي بيقول أخبار العروض اللي بتجيلي وبيقول كلام مش حقيقي أني بخلص مع الأهلي مع أني كنت بتفق أني أحترف بره، أول حد عرف أن بيراميدز كلموني هو أمير توفيق، قالي وأنت هتروح قولتله لا هفكر، بعدها صليت استخارة وقررت أروح بيراميدز".
تعليقات الفيسبوك