رئيس مجلس الادارة:

د.محمود مسلم

رئيس التحرير:

مصطفى عمار

عاجل.. رئيس الزمالك المعزول للاعبيه: متعوا نفسكم.. بكرة مش نهاية الكون

12:02 ص | الجمعة 27 نوفمبر 2020
عاجل.. رئيس الزمالك المعزول للاعبيه: متعوا نفسكم.. بكرة مش نهاية الكون

رئيس الزمالك المعزول

وجه رئيس الزمالك المعزول، رسالة إلى جماهير القلعة البيضاء، قبل المباراة النهائية بدوري أبطال أفريقيا، والتي ستجمع الفريق الأبيض مع غريمه التقليدي الأهلي، مساء الجمعة، على ستاد القاهرة الدولي.

وقال المعزول: "ربنا يشفي وليد سليمان ولاعب الأهلي الأجنبي المصاب بـ كورونا، كما ندعى ايضا بشفاء الونش وعبدالله جمعة وأوباما، بعض الجماهير المتعصبة سعيدة بالإصابات بكورونا، هذا ابتلاء من الله سبحانه وتعالى، وممكن يصيب أي شخص".

وأضاف: "رسالتي لجمهور الزمالك العظيم، ثقوا فى فريقكم إن شاء الله يفوز، وأنا بدعى إن كلنا ندعي في صلاة الفجر، لأن الفترة اللي فاتت كان فيه كذب وإشاعات حول الفريقين".

وتابع: "أنا بقول جمهور الزمالك ده أعظم جمهور اللي بيكون موجود في الأفراح والأزمات، وأنا واثق في ربنا سبحانه وتعالى إنه يعوضنا عن الفترة اللي فاتت بعد قرارات اللجنة الأولمبية التي حاولت تدمير هذا الكيان العريق".

وأكمل: "كلمتي إلى اللاعبين أقولهم لهم أنتم منتخب مصر وأنا مش عايز أكسب النادي الأهلي فى الشتيمة أو المعايرة أنا عاوز أكسبه في الملعب بشرف وبإرادة ومش عاوز المنظر اللي كان في أبو ظبي يتكرر".

وواصل: "بقول للإعلام الأسود كفاية بقى البلد مش ناقصة فتنة أو فتوى وكفاية علينا، لو ربنا وفقنا وكسبنا مش عاوزين نبالغ في الفرحة، ولو لا قدر الله خسرنا منبالغش في الحزن بكرة مش نهاية الكون هنلاعب بعض تاني، وأنا واثق في اللاعبين والجهاز الفني".

وأتم: "وبقول للاعبين متع نفسك ودول 90 دقيقة هتكون البطولة الـ 6 إن شاء الله وااسعد جماهيرك ملايين الملايين بتشجيعكم يا ولاد والزمالك نادي جامد وراه الملايين وربنا يوفقكم وتسعدوا الملايين، وبقول للاعبين ركزوا، وأنا عارف إن الجهاز الفني عازل اللاعبين عن هذا الإعلام الأسود".