شوبير تعليقا على قرار وزارة الرياضة: "مفيش انتخابات حاليا بسبب كورونا"
12:26 ص | السبت 05 ديسمبر 2020
أحمد شوبير
علق الإعلامي أحمد شوبير، على قرار وزارة الشباب والرياضة، بوقف الجمعيات العمومية خلال الساعات المقبلة.
وقال "شوبير" خلال تقديمه برنامجه عبر "أون تايم سبورتس": "مفيش انتخابات حاليا في أي نادي أو أي مركز شباب مفيش غير انتخابات الطايرة واتحاد الكرة".
وأضاف: "الوزارة قالت الافضل نأجل ارجاء انعقاد الجمعيات العمومية في كل الهيئات الرياضية بسبب الاجراءات الاحترازية لانتشار فيروس كورونا وهيتابعوا مع الهيئات اللي خلصت وسيتم اقرار موعد جديد للانتخابات".
وأوضح: "مندهش اتحاد الطايرة هيعمل انتخابات 8 شهور ليه متأجل لبعد الاوليمبياد الفيفا هيقولوا لاتحاد الكرة اعملوا الانتخابات فاللجنة هترد وتقول ده قرار الدولة مفيش انتخابات حاليا بسبب كورونا معنى ده ان اللجنة الخماسية الثلاثيه هتستمر لبعد الأولمبياد 15 يناير او 30 يناير غالبا هيتم المد ليهم بسبب ظروف البلد لانك مش هتقدر تعمل انتخابات لحين موافقة الوزارة واللجنة الاوليمبية وغالبا اللجنة هتستمر لنهاية الموسم".
وشدد أحمد شوبير: "الاحتمالات الاقرب عدم الدعوة لانعقاد جمعيه وفقا لقرار الدولة كابتن محمد فضل واحمد عبدالله مكملين وهيقدموا اقتراح للفيفا انتم هتدفعوا كام ونقسم الفلوس على الخمس أفراد لو الفيفا رفضت هنقولهم طيب وجمال محمد علي هيكون له دور كبير هو وسحر عبدالحق وممكن نشتغل بدون مقابل".
تعليقات الفيسبوك