رضا عبدالعال عن أزمة نادي طنطا: «برشلونة والأهلي بيخسروا»

10:51 م | الأحد 10 يناير 2021
رضا عبدالعال عن أزمة نادي طنطا: «برشلونة والأهلي بيخسروا»

رضا عبدالعال

قال رضا عبدالعال، المدير الفني لنادي طنطا، إن المناوشات التي وقعت بينه وبين جماهير طنطا بعد الهزيمة من منتخب السويس جائت بعد خسارة النادي: «ده العادي برشلونة بيخسر والأهلي بيخسر، وكنا عاملين ماتش كويس، ومن قبل الماتش كان شخص بيلقح بكلام».

لقيت واحد بيتلفظ وبيشتم بالأم

وأضاف «عبدالعال»، خلال مداخلة هاتفية له ببرنامج «مساء DMC» والذي تقدمه الإعلامية إيمان الحصري والمذاع على فضائية «DMC»، أنه وبعد إحراز نادي السويس للهدف الأول في مرمي نادي طنطا قام باتباع سياسة الهجوم لاستعادة الـ3 نقاط الضائعة خلال المباراة: «فوجئت لقيت واحد بيتلفظ وبيشتم بالأم، وده اللي استفزني، مكنش فيه بيني وبين الجماهير حاجة، هو واحد بس».

وأوضح أنه كان لا يجوز من قبل ذلك الفرد سبه بأمه وهو أمر مسيء من قبل المشجع تجاه الفرقة بأكملها، مشددًا على أنه لم يقم بالدخول في مناوشات مع جماهير النادي، إلا لذلك الشخص الذي قام بسبه خلال مجريات المبارة الأخيرة لناديي طنطا والسويس.

النادي الأهلي مبيتغلبشي

وأكد على أن موسيماني مدرب النادي الأهلي الجديد «قليل فنيا» ولا يستطيع إدارة التبديل واللعب الجيد أثناء المباراة: «ده ماسك النادي الأهلي، لو ماسك أي فرقة تانية ماشي، ولكن نادي الأهلي والزمالك لازم يكون مدربهم قوى علشان احنا نقدر نتعلم منه، والنادي الأهلي مبيتغلبشي».

عبدالعال يرد على جماهير نادي الأهلي في عودة «صبحي»

وأشار إلى أن المدرب عندما يكون هو الفعل وليس رد فعل يستطيع تغيير الكثير في مجريات المباريات من قبل اللاعبين، لافتا إلى أن الخطوة التي أخذها لآعب الأهلي سابقا رمضان صبحي بذهابه إلى نادي بيراميدز كانت محسوبه جيدا من قبله، كما وأن جماهير النادي الأهلي يتمنوا عودة رمضان صبحي للنادي مرة أخرى: «اللي حارق قلوب جماهير الأهلي أنه أبن النادي، موضحا أن المادي لا يتوقف برحيل إي من لاعبيه، والاستمرارية من قبل النادي هي الأهم والأندية مش بتقفل، الخطيب لما اعتزل الأهلي مقفلشي».

الأهلي هو اللي هياخد الدوري الجديد: مفيش منافسة

وتابع: «طول ما مفيش فرص للمنافسة يبقي النادي الأهلي هو اللي هياخد الدوري الجديد، ولو أمنيا يوفر اتحاد الكرة 10 ملاعب يلعب عليها كافة لاعبي الدوري، ومكنش ينفع بيراميدز يسافر الإسماعيلية والأهلي ميروحش، والزمالك هيروح الإسماعيلية ولكن الأهلي مش بيروحها أو بورسعيد، ومتعه الدروي بمشاركه كافة الفرق، ولو كدة أدوا الدوري للنادي الأهلي وخلوا الغلابة يلعبوا مع بعض».

لازم مصطفى محمد يحترف

وتابع المدير الفني لنادي طنطا: «لازم مصطفى محمد لاعب نادي الزمالك يحترف، لأنه لو محترفش مش هيدي الزمالك تاني، وده وقته أنه يحترف، وهو لسه بيقول يا هادي في الزمالك، ومش بيلعب كتير مع النادي، وبقول لنادي الزمالك طلعوه يحترف وإن شاء الله هيكسر الدنيا ويروح في حته أحسن».

استطلاع رأى

  • سموحة

    سموحة

  • -

    :

    -

    02:30 PM

    الدوري المصري
  • بيراميدز

    بيراميدز

  • طلائع الجيش

    طلائع الجيش

  • -

    :

    -

    02:30 PM

    الدوري المصري
  • الإنتاج الحربي

    الإنتاج الحربي