تحدث مجدي عبدالغني عضو مجلس إدارة الاتحاد المصري لكرة القدم السابق، عن علاقته بلاعب المنتخب الوطني ونادي ليفربول الإنجليزي محمد صلاح، مشيرًا إلى أنه يعتبر نفسه الٌملهم له.
وكشف «عبدالغني»، خلال لقائه مع الإعلامية ياسمين عز، في برنامج «ليلة الخميس» المذاع عبر فضائية «mbc مصر» أن سبب كونه ملهم محمد صلاح أنه انتصر عليه في لعبة تنس الطاولة، قائلا «محمد صلاح زي ابني وأنا كسبته في البنج واديته إلهام، وأنا كنت رئيس البعثة في كولومبيا في كأس العالم، ومحمد كان لاعب صغير وأنا مكنتش رئيس بعثة تقليدي، لكن كنت بحب أكون مع اللعيبة دايما وفي الوقت ده جه علينا رمضان وكنا قريبين قوي وكان فيه روحانيات بينا».
ملهم لمحمد صلاح
واعتبر مجدي عبدالغني أنه كان ملهما لنجم ليفربول: «محمد صلاح ممكن يكون لحقني وسمع عني وشافني أنا عندي الإصرار والعزيمة وأنا مشواري في الاحتراف أصعب من محمد، وأنا سافرت ومحدش استقبلني في المطارات ولعبت ماتشات ودية عشان يختبروني، ومش رايح متعاقد زي ما بيحصل دلوقتي ودي اللي بتدي محمد صلاح الإلهام وعشان جون كاس العالم، أنا جبت جون في كأس العالم 90 ودي ألهمته يجيب جون في كأس العالم اللي فات».
مجدي عبدالغني يثنى على حسن شاكوش ويخاطب هاني شاكر من أجله
ومن ناحية أخرى أثنى «عبدالغني»، على مطرب المهرجانات حسن شاكوش قائلًا: «حسن شاكوش طريقته حلوة وميزته أنه واخد خط وبيطوع كل الكلمات اللي بتيجي له في السكة دي والسكة ماشية».
ووجه مجدي عبدالغني رسالة لنقيب الموسيقيين الفنان هاني شاكر بخصوص حسن شاكوش قائلًأ: «خف على حسن شاكوش شوية وبلاش تعامله على أنه أهلاوي لو سمحت»، متوقعًا ألا يتخلى هاني شاكر عن حسن شاكوش باعتباره مطربا متميزا وأن الأمور مستقبلا ستكون أفضل بكثير، مثنيًا على أغنية «بنت الجيران» مضيفًا، «أنا جالي فيديو من أمريكا بيرقصوا على الأغنية بتاعتهم».
تعليقات الفيسبوك