رئيس مجلس الادارة:

د.محمود مسلم

رئيس التحرير:

مصطفى عمار

طارق يحيى: التعادل عقاب من ربنا.. ومفيش مشكلة لو لعبنا بالناشئين

10:14 م | الإثنين 01 مارس 2021
طارق يحيى: التعادل عقاب من ربنا.. ومفيش مشكلة لو لعبنا بالناشئين

طارق يحيى مدرب الزمالك السابق

أعرب طارق يحيى، نجم نادي الزمالك سابقًا، عن استياءه الشديد بعد تعادل الفريق الأول لكرة القدم بنادي الزمالك أمام وادي دجلة، في المباراة التي أقيمت بين الفريقين على استاد السلام ضمن مباريات الجولة الـ14 من مسابقة الدوري المصري الممتاز، وأكد «يحيى» في تصريحات عبر قناة الزمالك: «الزمالك أكبر من أي حد، والتعادل اليوم هو عقاب من ربنا للاعبين بسبب رفضهم خوض التدريبات نتيجة عدم حصولهم على مستحقاتهم المالية».

وتابع: «فاروق جعفر وعلي خليل بطلوا كورة والزمالك لسه موجود، ولا يصح ما يحدث في النادي الأهلي بالوقت الجاري، ومن يرغب في الرحيل فعليه بالرحيل ومن يرفض التوقيع ميوقعش».

وأتم «يحيى»: «نلعب بالناشئين وإيه اللي يحصل هنتعادل وإيه يعني ما احنا بنتعادل، واللاعب اللي مش عاوز يمضي عشان الفلوس يروح النادي اللي يديه فلوس».

طارق يحيى: كفاية طبطبة ودلع

«كفاية طبطبة ودلع، دا نادي الزمالك أكبر من أي لاعب ولابد أن يكون هناك وقفة»، هكذا جاءت رسالة طارق يحيى لجماهير الزمالك، متابعًا: «متضغطوش على أي حد ولا تتحايلوا على حد عشان يكمل ومتضغطوش على الإدارة عشان يجددوا لحد».

ترتيب الدوري المصري

وجاء جدول ترتيب الدوري المصري الممتاز بعد تعادل الزمالك ووادي دجلة كالتالي:

1- الزمالك 30 نقطة.

2- الأهلي 24 نقطة.

3- مصر للمقاصة 23 نقطة.

4- المصري 22 نقطة.

5- إنبي 22 نقطة

6 - سيراميكا كليوباترا 21 نقطة

7- الجونة 20 نقطة.

8- بيراميدز 19 نقطة.

9- سموحة 18 نقطة.

10- الاتحاد السكندري 18 نقطة.

11- غزل المحلة 17 نقطة.

12- أسوان 17 نقطة.

13- المقاولون العرب 14 نقطة.

14- البنك الأهلي 13 نقاط. 

15- طلائع الجيش 12 نقطة.

16- الإنتاج الحربي 10 نقاط.

17-الإسماعيلي 9 نقاط.

18- وادي دجلة 8 نقاط.