رجب بكار لمدرب بيراميدز: «أنت كداب وبتاخد أوامر وعايز تاكل عيش»
09:51 م | الثلاثاء 30 مارس 2021
رجب بكار لاعب بيراميدز السابق
فتح رجب بكار لاعب فريق بيراميدز السابق وسيراميكا كليوباترا الحالي النار على رودلفو أروابارينا المدير الفني للفريق، بسبب أزمة المهدي سليمان حارس الفريق وابتعاده عن المشاركات.
وكتب بكار عبر صفحته بموقع التواصل الاجتماعي فيس بوك: «مش من العادة أني أتكلم في حاجة متخصنيش ولكن هنا لازم أقول كلمة حق لآني مريت بالي بيعيشه واحد من أحسن الحراس في مصر وهو المهدي سليمان.. هنا أقول للمدير الفني إنك كذاب وبتاخد أوامر مش تعليمات عشان خايف على أكل عيشك زي اللي قبلك في وجود هذه الإدارة، واللي اتصدمت في أشخاص ليه باع وتاريخ في مصر ولكن للأسف بردو بتاخد تعليمات».
وتابع: «الأهم والمهم مهدي سليمان عنده حق في كل اللي قالوا وده مش دفاع والله عنه ولا اصطياد مني، أنا ليا وقت وهقول كل اللي حصل لأني مينفعش منظومه بالحجم ده تدار بالسوء ده وللعلم الأغلب في الفرقه لعيبه كبيرة وعارفه الدنيا ماشيه ازاي، بس للأسف الملاك في النادي مش فاهمين ولا حد مننا عارف يتواصل معاهم عشان الكل يطلع اللي عنده لأن في كبت عند ناس كتيره موجودة في المنظومة دي وشكرًا».
وأكمل: وعمرومرعي عنده أكتر مني بكتير وناس كتير تنصحني وتقولي لا وده أنا مقدرهم لخفهم عليا ولكن كلمة إلحق ومساندة صديق ليا أهم بكتير من أي حاجه عندي وربنا يعلم ما في القلوب.
بكار: كبار بيراميدز يعرفون كيف تسير الأمور
وكان المهدي سليمان حارس مرمى بيراميدز فتح النار على الجميع، وأكد أن استبعاده ليس فنيًا لأن هناك صفقة تم الاتفاق عليها ليبتعد عن التشكيل ويتدرب منفردا مشددا على أن الجميع يعلم أطراف هذه الصفقة.
ولفت إلى أنه منذ بداية الموسم تعرض للظلم بعد موسم مميز جدا وكان يظهر بشكل جيد خلاله، بدليل وضعه في التشكيل المثالي لبطولة الكونفيدرالية.
وخرج المهدي سليمان بتصريحات مثيرة أول أمس رفقة الإعلامي هاني حتحوت ببرنامجه عبر صدى البلد الماتش وأكد أنه يتعرض للظلم ولم يشارك مع الفريق بسبب أمور خارجية.
بينما رد أروابارينا المدير الفني لنادي بيراميدز -في وقت سابق- أنه لا يتلقى تعليمات من أي شخص داخل إدارة النادي ولا يمكن لأحد أن يتدخل في عمله.
تعليقات الفيسبوك