عمر ربيع ياسين عن شطب والده: مسؤول كبير بالجبلاية بيطلع عقده على الناس

08:36 م | الخميس 08 أبريل 2021
عمر ربيع ياسين عن شطب والده: مسؤول كبير بالجبلاية بيطلع عقده على الناس

عمر ربيع ياسين

علق الإعلامي عمر ربيع ياسين، على قرار إيقاف والده من قبل مسئولي اللجنة الثلاثية التي تدير شئون الاتحاد المصري لكرة القدم في الوقت الحالي، برئاسة أحمد مجاهد على خلفية أحداث منتخب الشباب خلال الفترة الماضية، بعد انسحاب المنتخب من تصفيات أمم إفريقيا بشكل نهائي، بسبب إصابة عدد كبير من اللاعبين وهو السبب وراء الانسحاب.

عمر ربيع: حكم توفي من فترة اعتدى عليه مسئول كبير في الجبلاية 

ونشر عمر ربيع عبر حسابه الشخصي بموقع التواصل الاجتماعي «فيس بوك»: «زمان كان فيه واقعة لشخص هو مسؤول حالي في الكرة المصرية بس محدش اتكلم فيها، نظرا لعدم أهمية الشخص ده في وقتها، الواقعة انه اعتدى على الحكم أثناء المباراة وبالمناسبة الحكم توفي من فترة واللائحة والعرف والقانون والمنطق بيقول إن أي حد مسؤل يعتدي على حكم أو لاعب في أرض الملعب لازم يتشطب ويتوقف عن ممارسة أي نشاط ليه علاقة بكرة القدم يعني لا ليه انتخابات اتحاد كرة ولا منصب في الكورة وهو عايش وبالفعل طلع قرار شطب».

وأضاف: «لكن هناك من لغى وظبط قرار الشطب من سجلات اتحاد الكرة فمن هنا بقي ليه الحق من نزول انتخابات وممارسة النشاط وعادي جدااا ولا كان أي حاجة حصلت ومن أول يوم دخل فيه مبني الاتحاد ومفيش حد متفق عليه ودايما عايش في دور النجم وبيحاول يعوض المشكلة النفسية اللي عنده أنه شخص جامد جدااا زي الناس اللي قاعدين معاه على الطرابيزة ف دايما بياخد قرارات عكس عكاس أو ياخد قرار بناء علي اللي جايبينه ومشغلينه فيقولهم حاضر ونعم وتمر الأيام ويبقي مسؤول كبير في الكرة المصرية بيسرب أخبار، وياخد قرارت عشان يثير أزمات وأكثر الأزمات بيفتعلها أو بيسربها علاقة بأهلي والزمالك عشان الشعبية والأخبار وأنتم فاهمين طبعا علي العموم فايدة اللي انا بقوله ده أنك حاول تبقي مجتهد وتعمل كل اللي نفسك فيه وأنت صغير عشان لما تكبر مطلعش عقدك على الناس وأنت كبير».