رئيس مجلس الادارة:

د.محمود مسلم

رئيس التحرير:

مصطفى عمار

عاجل.. قناة الزمالك تطالب مسؤولي النادي بوضع كاميرات في غرفة الأهلي

02:38 ص | الجمعة 16 أبريل 2021
عاجل.. قناة الزمالك تطالب مسؤولي النادي بوضع كاميرات في غرفة الأهلي

الأهلي والزمالك

طالبت قناة الزمالك عن طريق برنامج «زملكاوي»، مسؤولي القلعة البيضاء وضع كاميرات في غرفة خلع ملابس النادي الأهلي خلال مباراة القمة القادمة على ستاد القاهرة الدولي يوم الأحد المقبل.

وقال مقدم برنامج زملكاوي من خلال ظهوره بقناة النادي: «ضعوا كاميرات في أوضة لبس الأهلي ومتقولوش لحد إنكوا حاطين كاميرات وخليهم يقولوا أي حاجة وصوروا كل حاجة وبعد كده طلع الفيديو وانشروا على السوشيال ميديا، ولو حد شتم وتلفظ ضدنا وطلع الفيديوهات دي على السوشيال ميديا، وبقول للاتحاد حط في أوضة اللبس كاميرات وللإسماعيلي وللمصري قانوني أو غير قانوني، هي كده بقت قانوني خلاص، وبقول اللي رايح أوضة اللبس ورايح يستحمى ادخل بلبسك بالكامل عشان محدش يصورك وأي حد مينفعش يتلفظ لأن فيه كاميرات بتراقبك من غير ما تعرف ومن غير ما تشوفها».

مقدم برنامج زملكاوي: هل من صور لاعبي الزمالك هي كاميرا الأهلي؟

وتابع مقدم البرنامج: «مين صور أساسا هل هي كاميرات بتاعت الأهلي ولا موبايل بيصور طبيعي ومنطقي مفيش حد من الزمالك هو اللي هيصور وينزل عشان يدين نفسه».

اتحاد الكرة لم يعلن عن حكم القمة حتى الأن

اتحاد الكرة المصري لم يعلن حتى الأن عن حكم مباراة القمة المنتظرة والمرتقبة بين الفريقين خاصة وأن الأبيض يتصدر في الوقت الحالي بفارق 6 نقاط عن النادي الأهلي ولكن يتبقى مباريات مؤجلة للأخير، حيث خاض الأبيض 14 مباراة نجح في الفوز بـ10 مباريات وتعادل في 3 مباريات وخسر في مباراة وحيدة، فيما خاض الأهلي 11 مباراة نجح في الفوز في 8 مباريات وتعادل في 4 ولم يخسر، ويتبقى للزمالك 4 مباريات مؤجلة، فيما يتبقى للأهلي 7 مباريات.