طارق السيد: الزمالك مجاش ستاد القاهرة.. واللعيبة بتتكلم في الفلوس بس
07:05 ص | الإثنين 19 أبريل 2021
الأهلي والزمالك
هاجم طارق السيد، نجم الزمالك السابق، لاعبي ناديه عقب الخسارة أمام الأهلي بهدفين مقابل هدف في بطولة الدوري مساء أمس الأحد.
وقال طارق السيد في تصريحات عبر برنامج «الماتش» الذي يقدمه الإعلامي هاني حتحوت عبر شاشة «صدى البلد»، «كارتيرون بيناقد نفسه في التصريحات، إزاي بيقول إننا كنا الأفضل في الشوط الثاني وبيقول إن اللعيبة كانت معاقين، أنا مش فاهم تصريحاته».
طارق السيد: الزمالك مجاش ستاد القاهرة.. أنا بسمع «بن قلبي والرسام» بس فين البطولات؟
وتابع «لعيبة الزمالك بتتكلم في الفلوس وبس، هاتوا بطولات الأول، أنا مش مصدق الجيل ده، المفروض أنهم محسوبين عليهم من أفضل أجيال الزمالك، الزمالك نادي بطولات، قارن الجيل بغيره بالبطولات مش بالمهارات الفردية».
وأضاف طارق السيد، «عمالين نقول بن قلبي والرسام وفي الآخر مفيش بطولات، مش عاوز ألقاب على اللعيبة، أنا عاوز بطولات، مينفعش منطلعش منصات تتويج باللعيبة دي، الواحد تعب».
طارق السيد: في الغيابات دي وخسرنا.. امتى هنكسب الأهلي؟ أنا كنت مرعوب!
تسائل طارق السيد نجم الزمالك السابق عن موعد فوز ناديه على النادي الأهلي في الفترة القادمة.
وتابع طارق السيد في تصريحات عبر برنامج «الماتش» الذي يقدمه الإعلامي هاني حتحوت عبر شاشة «صدى البلد»، «أنا من قبل المباراة وأنا مرعوب».
واستكمل «كنت مرعوب من قبل المباراة بسبب الكلام أن الأهلي ناقص والزمالك كامل، مباريات القمة بتتلعب في الملعب، اللعيبة كانت متطمنة أن فيه غيابات في الأهلي».
وأردف «فانلة الزمالك تقيلة على لعيبة كتير في الزمالك، جمهور الزمالك زهق وتعب».
وواصل طارق السيد «الفريق مجاش الاستاد في الشوط الأول.. في ظل الغيابات دي ومكسبتش.. أمال هتكسب الأهلي أمتى؟».
واختتم تصريحاته قائلا «حل الزمالك هي إقامة انتخابات، بالشكل ده مش هناخد بطولات».
تعليقات الفيسبوك