رئيس مجلس الادارة:

د.محمود مسلم

رئيس التحرير:

مصطفى عمار

مدرب الزمالك السابق يفتح النار على الجميع: الجماهير جالها كل الأمراض

04:52 ص | الجمعة 30 أبريل 2021
مدرب الزمالك السابق يفتح النار على الجميع: الجماهير جالها كل الأمراض

رامبو

فتح نبيل رامبو، مدرب الزمالك السابق، النار على الجميع، بعد التعادل الإيجابي 2/2 للأبيض أمام المقاولون العرب في المباراة التي جمعت الفريقين أمس على ستاد القاهرة الدولي. 

وكتب «رامبو» عبر صفحته بموقع التواصل الاجتماعي «فيس بوك»: «على فكره كل المدربين المصريين بيعرفوا يوقفوا على الخط وفروا العملة الصعبة بلدنا أولى بيها». 

وتابع: «افتحوا الباب النادى ليه بيبان كتيررررررر اللى عايز يمشي مع ألف مليون سلامة وفر فلوسك ميبقاش مليارات فى الهواء وجمهور يتحرق أعصابه ويجيله المرض، نفسي مرة واحدة تتعمل والنادى بعدها هيفوق، مش أقل من خمسين سنة لقدام، ياريت حد يصدقنى، أجمعوا واحضروا جيل يلعب من أجل الاتنين المال والنادى، وليس من أجل واحدة فقط المال ثم المال، وياريت عاجب وحامد ربنا، واحد طالب أربعة ملايين يورو والمقابل صفر بطولات، حد يقنعنى ده مال الدولة وحق لأعضاء النادى وجمهوره». 

ورد أحد مشجعي نادي الزمالك على «رامبو» قائلا: «كلامك غلط مع احترامى الشديد ليك أظن بتتكلم على فرجانى، فرجانى وطارق أفضل خط نص فى القارة، وأرجع بس لبطولة أفريقيا اللى خسرناها، القصه بتتلخص فى المستشار ومجلس الإدارة وتوفيره لمستحقات اللعيبة، أنت راجل مفروض محترف ليك التزامات وعليك فلازم تاخد حقك».

ورد رامبو على المشجع قائلا: «افهمنى من فضلك علشان تأخذ حقك أيا كان ملايين ولا ملاليم لازم تعطى مقابل، أنا لا أقصد الإساءة لأحد أنا أكتر واحد حزين، ولكن الجمهور اتحرق دمه وجاله كل أمراض الدنيا، أين البطولات مقابل هذهِ الملايين؟ على فكرة الزمالك هيكون زمالك برضه بأي لاعب، بس احنا اللى بنحسبها غلط وأحنا اللى بنفرعن اللاعب مع احترامي للجميع».