شريف إكرامي: رمضان صبحي مش متأثر برحيله عن الأهلي

أخبار متعلقة

محمد الشناوي يقترب من معادلة رقم شريف إكرامي في الأهلي

عمر جابر: أزمة شريف إكرامي من وحي الخيال.. والإعلام المصري مطالب بدعمنا

شريف إكرامي: سيطرت الأجندات والتريندات.. وأصبحنا لا نرى إلا تعصب رياضي

شريف إكرامي: أنا مش متعصب للأهلي.. ولغيت متابعتي لكل صفحات جماهير النادي

أكد شريف إكرامي حارس مرمى بيراميدز، أن رمضان صبحي زميله بالفريق، غير متأثر برحيله عن القلعة الحمراء، وذلك ردا على سؤال الإعلامي أحمد شوبير، والذي حرص على توجيه سؤال لإكرامي يخص تأثر رمضان صبحي بعد رحيله عن القلعة الحمراء.

وقال شريف إكرامي خلال استضافته ببرنامج «ملعب أون تايم»، رفقة الإعلامي أحمد شوبير: «رمضان مش متأثر برحيله عن النادي الأهلي»، فيما رد أحمد شوبير عليه قائلًا: «أعتقد أنه متأثر، وجهة نظري ده مش رمضان».

شريف إكرامي: رمضان صبحي جاي

بدوره واصل شريف إكرامي الرد قائلًا: «أرقام رمضان إيه والأرقام في اللعيبة غير الحراس نهائيًا، يعني أنا مش ببص للأرقام في الحراس، لكن اللعيبة يختلف الوضع، وشايف إن رمضان صبحي جاي، وبيراميدز جاي لأنه مش سهل تعمل فريق تاخد بيه بطولة من يوم وليلة مش بسهولة جدا البطولة مش بس لعيبة، هو حالة جوه النادي والنادي عنده خطة كبيرة».

                            رمضان صبحي

وعن موعد اعتزاله قال إكرامي: «أول ما أحس إني مش عارف أتمرن وجسمي تعب والشغف ابتدأ يقل وقتها هقول خلاص».

وأكمل: «سعدت بترشيح الناس للتواجد في مجلس الإدارة ولكن قلت في تغريدة سأعود إليه يوما ما إذا شاءت الأقدار ولما كان بيتقال الكلام ده وأنا في الأهلي إن إكرامي سيكون له منصب مستقبلا كان بيضغطني وبحس أنه بيتقال كفاية، مكنتش عايز أوصل للمرحلة واللحظة دي».