شوقي السعيد
رأى شوقي السعيد، لاعب الزمالك السابق، أن وليد سليمان، لاعب النادي الأهلي، تسبب في أذية بعض لاعبي الدوري المصري، لافتا إلى أنه كان سببًا مباشر في «قطع عيش» كثير منهم؛ بسبب تدخلاته العنيفة رفقة النادي الأحمر.
وعن من يتحدث أنه لاعب مؤذٍ، رد «السعيد» قائلًا خلال ظهوره بقناة الحدث: «دي إشاعات كانت من بعض من لاعبي نادي معين، ومفيش مقارنة في أذية وليد سليمان معايا خالص، وليد سليمان قصته منتهية مش قصة لاعب كرة بيلعب جامد، هو لاعب مؤذٍ في حتة تانية خالص».
وأضاف شوقي السعيد: «وليد سليمان بطل لاعيبة وقطع عيش لاعيبة كتير بسبب تدخلاته، ودايما بيطلع بكوعه، مصدره للاعب حتى لو الكرة مش بتاعته بيمد رجله يجيب رجل اللاعب، ومعظم لعبه قصد إنه يعمل كده، لكن لا نختلف عليه كلاعب نهائيا، وهو يقول زي ما هو عايز بإنه مش مؤذي، بس هات تدخلاته كده وشوف وهو بيتعمد الإذاء، خليه يخلع التيشرت بتاع الأهلي وهات أي حد يحكم عليه هيقول عليه مؤذي لكن تيشرت النادي الأهلي بيحميه طبعا».
وليد سليمان
وأكد شوقي السعيد أن الحكام يساعدوا النادي الأهلي، ودائمًا ما يكون هناك تعامل مختلف مع لاعبي القلعة الحمراء، قائلًا: «الحكم بيتعامل مع أي لاعب ضد النادي الأهلي بطريقة، ومع لاعب الأهلي بطريقة تانية خالص وده أنا شوفته في مباريات كتيرة جدًا».
ودائمًا ما يخرج شوقي السعيد بتصريحات مستفزة لجماهير النادي الأهلي؛ إذ تهاجمه بقوة حينما يظهر في البرامج خاصة؛ لأنه اعتاد أن يطلق تصريحات مثيرة للجدل تجاه القلعة الحمراء، ما يتسبب في غضب جماهير المارد الأحمر، التي تشن حملة عليه في كل مرة.
تعليقات الفيسبوك