والد قفشة: الزمالك كان عاوزه.. وعدى عبدالله السعيد «فيديو»

أخبار متعلقة

والدة قفشة: قولتله هتجيب جون.. ويا ريت الخطيب يديله أجازة عشان يتجوز

«الوطن» في منزل قفشة بعد التتويج الأفريقي..ووالدته: قلتله بلاش الزمالك

بكاء والدة قفشة على الهواء: «نفسي ياخد إجازة عشان يتجوز»

الساحر الذي أفاقه موسيماني.. قفشة تاجر السعادة وأفضل لاعب في النهائي

تحدث والد محمد مجدي قفشة، نجم الفريق الأول لكرة القدم بالنادي الأهلي، رسالة إلى محمود الخطيب رئيس مجلس إدارة القلعة الحمراء، عقب فوز الفريق الأحمر بلقب دوري أبطال أفريقيا لعام 2021، على حساب فريق كايزر تشيفز، بثلاثة أهداف دون رد، على ملعب مركب محمد الخامس في مدينة الدار البيضاء بالمغرب.

وقال والد قفشة: «الحمد لله متوقعين أنه هيسجل في كل ماتش، وكويس أن هو خد أحسن لاعب في المباراة، وكنت قلقان وخايف من كايزر تشيفز».

والد قفشة: كنت متوتر يوم انتقاله للأهلي.. وانتظر 5 ساعات لحسم الصفقة

وعن كواليس مفاوضات الأهلي لضم اللاعب خلال تواجده في بيراميدز، وصراعه مع الزمالك في ذلك الوقت لخطف الصفقة، علق قائلاً: «يوم ما مضى للأهلي قعد 5 ساعات تقريباً مستني، قعدنا من الساعة 4 لحد الساعة 9 بليل، الواحد كان متوتر جداً وقتها».

وواصل: «الزمالك كان عاوزه، لكن قولتله اصبر وإن شاء الله هتروح الأهلي، لكن الحمد لله انتقل للأهلي، وأنا توقعت له منذ وجوده في إنبي أنه هيتألق ويبقى زي عبدالله السعيد، والحمد لله مع اللعب عدى عبدالله السعيد».

وواصل: «كان المفروض اتجوز من 6 شهور، لسه محددناش ميعاد الفرح لأن مفيش أجازات، وهو بيتفائل لما بنكلمه قبل كل ماتش».

شقيق قفشة: لسه عنده كتير.. وعقبال أفضل لاعب في أفريقيا

والتقى أيضاً «الوطن سبورت» مع طه شقيق محمد مجدي قفشة، الذي قال في تصريحات خاصة لـ «الوطن»: «مبروك للنادي الأهلي وجماهيره وأعضاؤه، محمد مشرفنا علطول وبنكلمه دايماً، وبنقوله أنه هيسجل».

وتابع: «دائماً نتواصل مع قفشة ونشد من أزره، وبنقوله شد حيلك لسه عندك كتير، وإن شاء الله هتسجل وربنا هيكرمك يوفقك، هو محمد ابن حلال وفيه حاجة لله».

                   قفشة مع لاعبو الأهلي

وأكمل: «لازم أكلمه قبل كل ماتش، بقوله أنت عنك دوافع كتير، ركز وسدد على الجول، لكن هو بيحب يباصي لزمايله، عنده إنكار للذات، وكنت أتمنى أنه يسجل في النهائي فعلاً، وأباركله على جائزة أفضل لاعب في المباراة، وعقبال جائزة أفضل لاعب في أفريقيا».