رئيس مجلس الادارة:

د.محمود مسلم

رئيس التحرير:

مصطفى عمار

ميدو يفتح النار على عدلي القيعي بسبب الأهلي والإسماعيلي: «أنا مش عبيط»

03:12 ص | الخميس 05 أغسطس 2021
ميدو يفتح النار على عدلي القيعي بسبب الأهلي والإسماعيلي: «أنا مش عبيط»

ميدو

فتح الإعلامي أحمد حسام ميدو، النار على عدلي القيعي، مقدم برنامج «ملك وكتابة» عبر قناة النادي الأهلي، بسبب تعليق الأخير على ما طرحه الأول بشأن عدم خوض الأحمر مباريات بالإسماعيلية أمام الدراويش.

وقال «ميدو» خلال حديثه ببرنامجه «أوضة اللبس» عبر قناة النهار: «أنا بتكلم دايما على الصالح العام وإزاي ندور على العدالة، وقلت إن من عجائب الدنيا السبع إن الأهلي مبيلعبش في الإسماعيلية، ولابد إن يكون هناك عدل، وكان فيه مشاكل سابقة، وأنا فاهم كل ده، وفيه صعوبة في الخروج والدخول وأنا عارف الأبعاد، أنا مش عبيط وعارف كل حاجة».

وأضاف لاعب نادي الزمالك السابق: «أنا شغلتي بنور الناس والمفروض العدالة تكون موجودة، وبقول كده إن فيه حالة تذمر موجودة إن الاهلي لا بيلعب في الاسماعيلية، ولا الإسماعيلي بيلعب في القاهرة، هل الأمن هيسمع كلام ميدو ويقول لازم الأهلي يلعب هناك، ولا ممكن يدرس الموقف تاني ويشوف هل ينفع دلوقتي ولا لا، وطلع بعض الأساتذة، خاصة الأستاذ عدلي القيعي عقب على كلامي معنديش أزمة إنه يعقب على كلامي، على الرغم إن عمري ما عقبت على كلام أي زميل إعلامي مش شغلتي ممكن أعقب في حساباتي الشخصية، لكن في المنصة الإعلامية مبقفش بالقرباج لأي زميل ليا وابتدي أحاسبه».

ميدو: عدلي القيعي يريد دخولي في «حتت غامقة»

وتابع: «الأستاذ عدلي القيعي عشرة عمر وأعرفه من سنين السنين، وبكن له الاحترام والتقدير، واحترم إنه أهلاوي وبيقاتل عشان الأهلي، لكن لما ياخد الكلمتين اللي بقولهم وهو عارف إني بقولهم بنية سليمة، لأني بحاول أوفر العدالة بين الأندية كلهم، وعارفين كويس جدا إن ماتش الإسماعيلية صعب، لكن الأهلي ياما لعب هنالك وكسب وهو دخل كلامي في منطقة التحريض، وبيقول إني معرفش الأبعاد الأمنية وهو عايز يصدرلي مشكلة، ويدخلني في حتت غامقة».

عدلي القيعي

وأكد أحمد حسام ميدو: «أنا ممكن اتبع نفس الأسلوب وبعرف أعمل الكلام ده كويس قوي؛ لأنها مدرستي وذكي جدا فيها، لو حضرتك تعرف أقدر أعمل كده ولكن مش دي العلاقة اللي ما بينا نهائيًا وحضرتك أكبر مني سنا وعلى دماغي من فوق، وأنت تعلم مدى احترامي لك وأعرف اتعامل بالأسلوب ده كويس جدا، ولكن مش عايز أعمل كده، مش المفروض نعمل كده مع بعض».