شيكابالا: بتوقف من 20 سنة.. وتجاوزات جماهير الأهلي ضدي غير مسبوقة

11:32 م | السبت 04 سبتمبر 2021
شيكابالا: بتوقف من 20 سنة.. وتجاوزات جماهير الأهلي ضدي غير مسبوقة

محمود عبدالرازق شيكابالا

قال محمود عبدالرازق شيكابالا لاعب الزمالك، إن الأزمة بينه وبين جماهير النادي الأهلي، ليست نابعة منه، بل المشكلة من جماهير النادي الأحمر، وكذلك الشخصيات التي تُدير الكرة في مصر: «أنا حصل ضدي تجاوزات محصلتش في لاعب كوره قبل كده، يعني ناس بتروح المقابر، وناس تشيل كلب أسود، مفيش تجاوزات من دي شوفناها بره مصر».

شيكابالا: جماهير الأهلي أخطأت في حقي.. وأنا سهل الاستفزاز

وأضاف «شيكابالا»، خلال تصريحات تليفزيونية، أنه حال معاقبة الأشخاص الذين قاموا ضدي بهذه الأفعال منذ 20 عامًا لم نكن لنصل لهذه المرحلة: «كل أسلوبي ده رد فعل، الدوريات اللي بره مصر لو حصل تجاوز من الجمهور، الناس تروح تعتذر لللاعب وتجيب له حقه، مش تروح توقفه، جماهير الأهلي هي اللي أخطأت في حقي، وأنا سهل الاستفزاز».

شيكابالا: تجاوزات جماهير الأهلي ضدي لم تكن عادية

وتابع محمود عبدالرازق شيكابالا: «بتضايق جدًا لما أكون على حق، التجاوزات اللي بتحصل مش عادية، كل ماتش بروحه بيحصل نفس الحاجة، بتوقفني أنا ليه طيب؟، طب أنا عملت كده؟، أنا بتوقف من 20 سنة والناحية التانية مفيش حاجة خالص ضدهم، فيه تجاوزات عنصرية ضدي أنا وأسرتي وابني ومراتي، محدش بيجيب الفعل، كله بيشوف رد الفعل، رد فعلي كان زيادة عشان اللي بيحصل معايا زيادة».