شيكابالا يسخر من عقوبة إيقافه: «لو قتلت حد مش هاخد 8 شهور»

أخبار متعلقة

شيكابالا ينهمر من البكاء على الهواء: «مبسوط بآراء الجمهور عني»

شيكابالا: رديت على ميدو بنفس أسلوبه.. وأنا وهو إخوات

شيكابالا: قلت لكارتيرون أنا مش قادر أتدرب معاك بسبب رحيلك

شيكابالا عن فوضى مراسم التتويج بالدوري: محصلتش قبل كده.. اشمعنى احنا؟

قال محمود عبدالرازق شيكابالا، قائد فريق كرة القدم الأول بنادي الزمالك، إن نادي الزمالك مظلوم، موضحًا: «إحنا مظلومين، وجمهور الزمالك حاسس بكده، وفي الآخر هما -يقصد جمهور النادي الأهلي- اللي بيقولوا إنهم مظلومين، واللي بيقولوا إننا كسبنا بالفار والحكام، ناس بتهزر، هنعمل مؤامرة مع الناس دي كلها؟! بس هتشوفوا هيحصل إيه السنة الجاية في الدوري». 

حازم إمام غادر مراسم التتويج بسبب رفضه ما حدث معي

وأضاف شيكابالا، خلال تصريحات تلفزيونية: «حازم إمام مشي يوم التتويج وقال لو متضايقين إننا كسبنا متسلموش الدوري لينا، فمشي وأخد إيقاف، وتاني يوم جابوا لي الدرع في البيت».

وكان شيكابالا قد غادر احتفال التتويج ببطولة الدوري خلال مراسم تسليم درع البطولة، بسبب مشادة حدثت مع أحمد مجاهد رئيس اتحاد الكرة، قبل أن يصدر قرار إيقافه لمدة 8 أشهر وهي العقوبة التي تظلمت ضدها إدارة النادي الملكي.

شيكابالا يعلق على إيقافه

وتابع: «علمت بخبر إيقافي 8 أشهر لما كنت في أسوان، أتوقع إني هتوقف ازاي؟! هل لائحة اتحاد الكرة فيها لو قلت أنت أهلاوي هتتوقف 8 شهور؟.. أنا لو قتلت حد في الكورة مش هتوقف كده، إيه المشكلة إني أقول لحد أنت أهلاوي؟! لو قلت أنت زملكاوي فيها مشكلة؟! مفيش».