رئيس مجلس الادارة:

د.محمود مسلم

رئيس التحرير:

مصطفى عمار

شيكابالا: لو اتوقفت هشتكي للفيفا

12:57 ص | الأحد 05 سبتمبر 2021
شيكابالا: لو اتوقفت هشتكي للفيفا

شيكابالا

تحدث محمود عبدالرازق شيكابالا، قائد فريق كرة القدم الأول بنادي الزمالك، عن موقف مؤسف تعرض له مع زوجته أثناء تواجدهما وصديقته وطفله «آدم» في أحد الفنادق، موضحًا: «لقيت واحد خارج من أوضته وبيبص لي عرفت أنه أهلاوي، ولما دخلت الغرفة مع مراتي، لقيته بينادي على أمن الفندق وبيزعق وبيقولهم مين سمح ليا أجيب ستات في الفندق».

لعيبة من نادي تاني كان معاهم بنات وبيشربوا في فندق

وأضاف شيكابالا، خلال تصريحات تلفزيونية: «خرجت وقلت له أنت بتقول إيه؟، بعدها الأمن وضح لي إن فيه لعيبة من نادي تاني كان معاهم بنات وبيشربوا قبل كده، وكان المفروض مدام هو بيشجع نادي تاني يقوله مينفعش، ملهوش علاقة بيّا، فأخدت مراتي ومشيت من الفندق».

أحمد مجاهد ملهوش علاقة بإيقافي

وأكد شيكابالا، أنه لم يخطئ في حق أحمد مجاهد رئيس اتحاد الكرة لأنه قال له فقط: «أنت أهلاوي»، موضحًا: «أنا اتوقفت عشان إيه؟، ورئيس الاتحاد ملهوش علاقة بقرار إيقافي، رئيس لجنة المسابقات هو اللي وقفني رغم أنه بيكتب التقرير».

وتابع: «النادي مكنش مصدق، ورئيس الاتحاد قال إني مغلطتش ومعملتش، طب ليه اتوقفت؟! رئيس الاتحاد ملهوش علاقة، وعملت تظلم وجمهور الزمالك كله مستني المرة دي، وبيقول إنهم مش عاوزين الزمالك مش شيكابالا.. ولو اتوقفت يوم واحد هشتكي للفيفا، عشان أنا مغلطتش ومشتمش جمهور الأهلي».