شيكابالا
أكد محمود عبدالرازق شيكابالا قائد فريق كرة القدم الأول بنادي الزمالك، أن الفريق استحق التتويج ببطولة الدوري العام، موضحًا: «لو على الضغط، مين اللي مضغوط؟! الأهلي قعد أكتر من 50 يوم مبيلعبش في الدوري.. فين الضغط؟! وهو اللي وافق على كده، أحنا كنا مضغوطين وبنلعب كل يومين ماتش، طلعنا من السويس والإسكندرية والسويس والجونة، بس إحنا عندنا فرقة والبدلاء زي اللي بيلعبوا، ومطلعناش قلنا أصل الزمالك فاضل له 7 ضربات الجزاء –يقصد تصريحات سيد عبدالحفيظ مدير الكرة بالنادي الأهلي التي أطلقها ضد الزمالك-، الناس دي لازم تتعاقب، هي اللي بتعمل الشحن بين الجماهير».
وأضاف شيكابالا، خلال تصريحات تلفزيونية: «كسبنا عشان إحنا الأحسن ورجالة ومبناخدش فلوسنا لحد دلوقتي، وكان عندنا مشاكل في اللبس، بس اللعيبة قعدت مع بعض وقلنا هناخد الدوري، مثلا عبدالشافي عظيم، محدش هيجي في الحتة دي تاني زي عبدالشافي، ورغم إن جاله عرضين لما كان في غزل المحلة من الأهلي والزمالك، إلا أنه قال مش هطلع من هنا غير على الزمالك».
وتابع: «بعد ماتش المصري عرفت أننا كسبنا الدوري لما عواد صد ضربتين جزاء، الحاجات دي مبتحصلش معانا، ولما كنا بنلاعب الفرق التانية، كانوا بيحسسوني أننا بنلاعب مصر –يقصد إن الفرق كانت تلعب بجدية-».
تعليقات الفيسبوك