اللاعب محمود عبد الرازق شيكابالا
كشف اللاعب محمود عبد الرازق شيكابالا، مدى إمكانية فتح صفحة جديدة مع جماهير النادي الأهلي خلال الفترة المقبلة، إذ رد قائلًا: «الصفحة الجديدة مع جماهير النادي الأهلي دي مش من عندي، لو المسؤولين عن الكرة مرة واحدة على الأقل قالولي إيه مشكلتك كنت حلتها، أنتوا بتشوفوا التجاوزات ضدي من 20 سنة ومحصلش حاجة، أنا بس اللي بتوقف، ناس تروح المقابر أنا اللي اتوقف، وناس تشيل كلب أسود، فأنا اللي اتوقف، بيقولوا يعني إن شيكا ميت».
وأضاف «شيكا»، خلال تصريحات تلفزيونية: «الناس اللي ماتت في حادث بورسعيد كنت أول واحد يروح النادي الأهلي، وكنا بنلاعب الإسماعيلي ومكناش نعرف أن فيه وفيات، وقلت مش هنلعب الماتش وأصريت على عدم اللعب، أنا عملت وقدمت كتير الفترة الأخيرة، كل المدربين الأجانب للنادي الأهلي بيتكلموا عني كويس، المشكلة مش عندي خالص، المفروض يمنعوا من يعمل التجاوزات هاتولي حقي مرة واحدة ومش هتكلم نهائي».
وأشار لاعب نادي الزمالك، إلى أنه ليس لديه مشكلة مع جمهور الأهلي ولا كيان الأهلي، «عندهم ناس بتروج لفكرة مش موجودة، كل الأهلاوية صحابي، أفشة صاحبي، حسام عاشور صاحبي جدا، وحسام غالي صاحبي جدا، وعماد متعب صاحبي جدا، فيه ناس بحب اتفرج عليهم من الأهلي، زي بركات وأبوتريكة، أحنا بتوع كورة مش خناق، بس مبتفرجش على مباريات الأهلي خالص».
تعليقات الفيسبوك