شيكابالا
يقدم لكم «موقع الوطن سبورت»، أبرز تصريحات محمود عبدالرزاق «شيكابالا»، كابتن الفريق الأول لكرة القدم بنادي الزمالك، خلال ظهوره عبر شاشة «mbc مصر»، في اللقاء التلفزيونية، الذي شهد متابعة جماهيرية كبيرة، في الظهور الأول للاعب بعد التتويج بالدوري المصري الممتاز في نسخته الـ 62، وعقب إيقافه 8 شهور، وتغريمه 500 ألف جنيه عقب أزمته مع المهندس أحمد مجاهد، رئيس الاتحاد المصري لكرة القدم.
محمود عبدالرزاق «شيكابالا» كابتن الفريق الأول لكرة القدم بنادي الزمالك
1- في إحدى المباريات الأخيرة في الدوري، لقيت واحد بيعمل «عمل» وبيعزم وواقف بيعمل حركات غريبة على باب أوضه تغيير الملابس قبل المباراة، بس مش هاقول هو مين النادي عشان عيب، عشان أحنا الزمالك وكسبنا الماتش برضوا الحمد لله.
2-أنا لو قتلت حد في الكورة مش هتوقف 8 شهور، ولو رجعنا للايحة مفهاش حاجة أسمها لما أقولك يا أهلاوي أتوقف 8 شهور، هي كلمة يا أهلاوي إهانة للدرجادي؟.
3-جماهير الأهلي في أسوان بيتصوروا معايا وعلاقتي بيهم جيدة جدا، الناس بتشوف اللي بيحصل في الماتش ومحدش بيشوف اللي بيحصل برا.
4- أنا سهل الاستفزاز لما يبقى ليا حق، ومن 20 سنة محدش جابلي حقي من جماهير الأهلي واتعرضت لعنصرية أنا وزوجتي وابني، واللي بيحصل معايا محصلش مع حد تاني، والتجاوزات اللي حصلت ضدي محصلتش ضد أي لاعب في التاريخ.
5- لو الكاس أتلعب هنكسب الكاس، ولو الدنيا كورة بس هنكسب الدوري السنة الجاية بس مش هيسيبونا نكسبه أبداً.
6- كارتيرون أول ما رجع كنا زعلانين منه عشان سابنا ومشي في وقت مهم حتي أنا مكنتش قادر أتدرب معاه لحد ما قعدت معاه أنا وعبدالشافي وفهمنا هو مشي ليه وخلاص الدنيا أتغيرت، وهو مدرب كبير وبيتعامل بشكل ممتاز مع اللاعبين.
7- احنا خدنا الدوري دلوقت الموسم اللي جي يتداس عليك زي موسم 2011 المدافع طلع الكوره بايده و جول عبد الشافي الاوفسايد كل ده بيحصل معانا وقدام الناس.
8- مره كنت في فندق وأنا وزوجتي وآدم، ومرة واحدة واحد قال إزاي شيكا يجيب «نسوان»، وبعد كده فهمت أن فيه لعيبة في نادي تاني جابوا ستات وشرب ف سيبت الفندق ومشيت.
9- بعد اعتزالي كرة القدم ناوي أدخل مجال التدريب وهسافر هولندا للحصول على شهادة من أكاديمية كرويف في هولندا وأمنيتي تدريب نادي الزمالك.
10- لو استمرت عقوبة الـ8 أشهر هلجأ للاتحاد الدولي لكرة القدم، ولو لجأت للفيفا في الأزمات الماضية كنت هحصل على حقي أيضًا.
تعليقات الفيسبوك