شيكابالا يرد على تصريحات انتقاله للأهلي: فنان أهلاوي قال حاجات محصلتش

أخبار متعلقة

أبرز تصريحات شيكابالا: اتعملنا «عمل».. واتعرضت لعنصرية من جماهير الأهلي

شيكابالا: محمد صلاح كان بيبكي في كأس العالم «قال إزاي مش هلعب أول ماتش»

شيكابالا: مفيش كورة من غير الزمالك.. وجمهورنا كبير في كل مكان

شيكابالا عن فتح صفحة جديدة مع جماهير الأهلي: مش من عندي

استنكر اللاعب محمود عبد الرازق شيكابالا، لاعب نادي الزمالك، تصريحات أحد الفنانين المعروفين بتشجيعهم للنادي الأهلي، والتي قال فيها إن شيكابالا طلب منه التوسط لإدارة النادي الأهلي، من أجل اللعب في الفريق الأحمر أثناء تواجده في البرتغال، ورد قائلا: «فيه ناس بتطلع تقول للناس حاجات مغلوطة مش بتحصل».

شيكابالا يرد على تصريحات انتقاله للأهلي

وأضاف «شيكابالا»، خلال تصريحات تلفزيونية: «طلع فنان أهلاوي قال حاجات  محصلتش، كنت ممكن أرد عليه وأقول أنه كذاب، بس مرضتش، لدرجة أنه قال أني  كلمته عشان أرجع النادي الأهلي وأنا في البرتغال، ما أنا لو عاوز أرجع للنادي الأهلي كنت هكلم حسام غالي أو عماد متعب لأنهم أصحابي، هكلمك أنت ليه؟».

وتابع: «عاوز توصل للناس إنك حامي الحمى، أنت مش كده، مع الوقت الناس عرفوا أنك صغير أوي، عشان كده مرضتش أرد عليك»، كما رد على منتقديه بأنهم سبب فرحة الزمالك بدرع الدوري، «تخيل واحد رايح فرحه، هل هيفسد الفرح ده، ولا فيه طرف ثاني مش عاوزينه يفرح وينبسط، أحنا شوفنا ناس منعرفهمش في الاحتفال».

وكان أحد الفنانين، قد قال في تصريحات تلفزيونية سابقة: «وقت ما كان شيكابالا في البرتغال، كنا صحاب وقتها، شيكابالا طلب مني في الفترة دي إني أتوسط له لمجلس إدارة الأهلي إنه يلعب في الأهلي، كلمت هشام العامري وكان عضو في مجلس محمود طاهر، وسألته لكن قالي إحنا الأهلي وهو مش لايق على الأهلي، وأخدني بنفسي لنادي الجزيرة وقعدنا في مكتب محمود علام مدير النادي الأهلي، وطلبي قوبل بالرفض».