أبرز 20 تصريحا لـ شيكابالا.. بكاء وتهديد ورسائل حاسمة

04:57 م | الأحد 05 سبتمبر 2021
أبرز 20 تصريحا لـ شيكابالا.. بكاء وتهديد ورسائل حاسمة

شيكابالا لاعب الزمالك

أثار محمود عبدالرازق شيكابالا قائد الفريق الكروي الأول بنادي الزمالك، حالة من الجدل، خلال تصريحاته التلفزيونية أمس، للحديث عن تتويج الفريق الأبيض بلقب الدوري للموسم الكروي 2020-2021، والحديث عن قرار إيقافه لمدة 8 أشهر بسبب أزمته مع أحمد مجاهد رئيس اللجنة الثلاثية المؤقتة المكلفة بإدارة اتحاد الكرة، خلال مباراة البنك الأهلي في ختام المسابقة التي شهدت مراسم تتويج الفريق الأبيض بلقب المسابقة. 

ويستعرض «الوطن سبورت» أبرز تصريحات شيكابالا، التلفزيونية.

1- طلع فنان أهلاوي قال حاجات محصلتش، كنت ممكن أرد عليه وأقول إنه «كذاب» بس مرضتش، لدرجة إنه قال إني كلمته عشان أرجع النادي الأهلي وأنا في البرتغال. 

شيكابالا يرد على تصريحات انتقاله للأهلي: فنان أهلاوي قال حاجات محصلتش

2- محمد صلاح في الأتوبيس في أول ماتش كأس عالم، فيه شريط عدى قصاده، إزاي وصلنا وأنا ساهمت ومش هلعب أول ماتش؟ فضل يعيط وكان قاعد ورايا.

شيكابالا: محمد صلاح كان بيبكي في كأس العالم «قال إزاي مش هلعب أول ماتش»

3- الصفحة الجديدة مع جماهير النادي الأهلي دي مش من عندي، لو المسؤولين عن الكرة مرة واحدة على الأقل قالولي إيه مشكلتك كنت حلتها.

شيكابالا عن فتح صفحة جديدة مع جماهير الأهلي: مش من عندي

4- من غير الزمالك مش هيبقى فيه كورة في مصر.

5- متقولوش الإسماعيلي بيفوت، الإسماعيلي نادي كبير وطلع ناس عظماء مينفعش تقولوا عليه كده.

شيكابالا: مفيش كورة من غير الزمالك.. وجمهورنا كبير في كل مكان

شيكابالا لاعب الزمالك 

6- لما لاعيبة من الأهلي احتفلت والجمهور بيشتم متعاقبتش، وعشان الكرة المصرية تطلع لقدام لازم يبقى فيه عدل.

7- كسبنا الدوري بعرقنا مش بحاجة برة الملعب.

8- معسكر كارتيرون في الإسكندرية وقفنا على رجلنا، وحمزة المثلوثي اتحول لأنه كان محتاجه.

شيكابالا: كسبنا الدوري بعرقنا.. ولعيبة الأهلي متوقفتش لما احتفلت

9- لو اتوقفت يوم واحد هشتكي لـ«فيفا»، عشان أنا مغلطتش ومشتمش جمهور الأهلي.

10- أنا اتوقفت عشان إيه؟ ورئيس الاتحاد ملهوش علاقة بقرارات الإيقاف.

شيكابالا: لو اتوقفت هشتكي للفيفا

شيكابالا لاعب الزمالك 

11- تعرض الأهلي للضغط وهم، ومن تحدث عن ضربات جزاء الزمالك لازم يتعاقب.

شيكابالا عن تصريح الـ7 ضربات جزاء: الناس دي لازم تتعاقب.. والأهلي ملعبش 50 يوما

12- بكيت لأني مبسوط إن جماهير نادي الزمالك بتتكلم عني كده.

شيكابالا ينهمر في البكاء على الهواء: «مبسوط بآراء الجمهور عني»

13- كان هناك اتفاق بين لاعبي نادي الزمالك على أن يقوم أيمن حفني برفع الدرع.

14- قولت لـ أحمد مجاهد هو أنت عشان أهلاوي مش عاوز تدخل الناس؟

شيكابالا عن شجاره مع أحمد مجاهد: «قولتله أنت أهلاوي؟ بس متجاوزتش»

15- قلت لـ كارتيرون أنا مش قادر أتدرب معاك بسبب رحيلك.

16- الجماهير بتدعي على ابني بالمرض وبتشتم أمي.. دي مش كورة.

17- لو الأندية بتفوتلنا كان زمان الزمالك عنده 42 دوري والأهلي 13.

18- الزمالك تعرض للسحر والشعوذة لمنع تتويجه بالدوري.

19- رديت على ميدو بنفس أسلوبه.. وأنا وهو إخوات.

20- لو فيه VAR كنا كسبنا دوري «حسام حسن».. ومش هنكسب السنة الجاية.