حسام البدري
علق جمال حمزة، المحلل الفني لـ «on time sports»، على نتيجة وأداء المنتخب الوطني، بعد تعادله أمام الجابون 1-1، في الجولة الثانية من التصفيات المؤهلة لكأس العالم قطر 2022، قائلا إنّ مدرب المنتخب حسام البدري وظف اللاعبين بشكل خاطئ.
وأضاف «حمزة»، خلال لقاء على شاشة قناة «on time sports»، «أنت حطيت محمد شريف عشان نشتغل على السرعات ولما ابتدينا لقينا الونش وحجازي بيلعبوا كرات طويلة لمحمد شريف، طب ملاعبتش مصطفى محمد ليه طالما هلعب بالطريقة دي، يبقى مصطفى محمد وتحته محمد شريف، الطريقة الطبيعية».
وتابع: «لما بتشيل واحد وتحط واحد تدي إيحاء للاعيبة من غير ما تقولهم إن أنا هدافع، يعني لما شيلت فتوح وحطيت أيمن أشرف أنا بدي إيحاء للاعيبة كلها إن أنا هدافع، لما بلاعب 3 في نص الملعب بدي إيحاء للاعيبة كلها من غير ما أقول لهم تعليمات إني هدافع، لو لعبت بطارق حامد وحمدي فتحي وقدامهم مجدي قفشة ومحمد شريف أو زيزو وصلاح ومصطفى محمد، كنت هتدي إيحاء للاعيبة من غير ما تقولهم إني بهاجم أو فيه توازن».
وواصل: «أعتقد أن المبارة كلها كان فيها أخطاء كتيرة جدا، والسلبيات كتيرة جدا أكتر من الإيجابيات، الإيجابية الوحيدة إننا قدرنا ناخد نقطة من اللقاء».
طلائع الجيش
-
:
-
04:00 PM
الدوري المصري
إنبي
بيراميدز
-
:
-
07:00 PM
الدوري المصري
البنك الأهلي
ليفربول
-
:
-
09:00 PM
PREMIER LEAGUE
إيفرتون
تعليقات الفيسبوك