مفاجأة رضا عبدالعال: كبار المنتخب وراء التعاقد مع كيروش لأن وكيلهم واحد
05:16 ص | الخميس 09 سبتمبر 2021
رضا عبدالعال
فجر رضا عبدالعال لاعب منتخب مصر والأهلي والزمالك السابق مفاجأة بشأن بعض من اللاعبين داخل المنتخب المصري والمدرب البرتغالي الجديد كارلوس كيروش والذي تولى المهمة بشكل رسمي لقيادة الفراعنة خلال الفترة المقبلة سواء في تصفيات كأس العالم وكذلك في كأس الأمم الأفريقية في حال وفق في المباريات المقبلة.
وقال عبدالعال خلال مداخلته الهاتفية ببرنامج البريمو عبر قناة TEN: «تاكيس جونياس كان المفروض هو من يتولى مسؤولية تدريب المنتخب المصري لأنه علم كل مدربين مصر الأدب والكل بيلعب بطريقته دلوقتي وراجل بقا بيتكلم عربي هو الوحيد اللي بيتحكم في جميع اللاعبين سواء في أرضية الملعب أو على مقاعد البدلاء بيتحكم بفكره واحنا مفتقدين الكرة دي من زمان جدا عايزين مدرب له شخصية لا يعتمد على لاعب واحد فقط مثل محمد صلاح».
وعن اختيار البرتغالي كيروش قال رضا عبدالعال: «مش مقتنع بكيروش لأن مشفتوش ومش عارف هو فكره إيه وأنا سمعت إن هناك لاعبين كبار ولها hسمها في المنتخب اتدخلت من أجل أن يأتي هذا المدرب لأن الوكيل الخاص بهم نفس وكيله».
رضا عبدالعال: ضياء السيد هيضم أكبر عدد من لاعبي الأهلي
وتطرق للحديث عن ضياء السيد خاصة وأنه كان لاعبا سابقًا بالنادي الأهلي وأكد بأنه سيختار عدد كبير من لاعبي المارد الأحمر قائلًا: «ضياء السيد حبيبي وكل حاجة بس هيضم أكبر عدد من لاعبي الأهلي ومعاه محمد شوقي والحضري».
وعن مباراتي ليبيا في تصفيات كأس العالم قال رضا عبدالعال: «ليبيا دلوقتي متصدرة لو اتعادلت معانا هنا وكسبتنا هناك عليه العوض المفروض كنا جبنا حد عارفنا والراجل الجديد ده يجي على نضيف مش دلوقتي ولكن دلوقتي لو خسر هيمشي وهيدفعوله الشرط الجزائي غصب عن أي حد».
تعليقات الفيسبوك