رئيس مجلس الادارة:

د.محمود مسلم

رئيس التحرير:

مصطفى عمار

أحمد سمير: ثقتي في التتويج بالسوبر دفعتني لإحضار أسرتي إلى الاستاد

07:12 ص | الخميس 23 سبتمبر 2021
أحمد سمير: ثقتي في التتويج بالسوبر دفعتني لإحضار أسرتي إلى الاستاد

أحمد سمير

كشف أحمد سمير، لاعب فريق طلائع الجيش، عن أنه حرص على حضور أسرته مباراة النادي الأهلي في السوبر المصري، لثقته في التتويج باللقب، مشيرًا إلى أنه كان صاحب فكرة حضور أسر اللاعبين لملعب برج العرب، من أجل الاحتفال بالتتويج باللقب الأول في تاريخ النادي.

وقال «سمير» خلال ظهوره ببرنامج «ملعب أون تايم»، رفقة الإعلامي أحمد شوبير: «كنت صاحب فكرة حضور الأسر الخاصة بنا لمباراة الأهلي في السوبر المصري، كنا في جلسة عشاء رفقة لاعبي الفريق قبل المباراة بـ4 أو 5 أيام وقلت لمحمد بسام عايزين نعمل حاجة أنا هجيب ولادي وأنت هات زوجتك وأولادك واللاعبين كلهم يجيبوا أسرهم عشان نحتفل في الملعب قبل الماتش.. كنت أنا عارف إننا هنتوج».

أحمد سمير: قلت للاعبين إن شاء الله هنكسب

وتابع لاعب طلائع الجيش: «قلت للاعبين بقولكم ايه إن شاء الله هنكسب وولادنا هيحتفلوا معانا في الملعب، الإحساس ده مش بيجي كده عارف إننا تعبنا واجتهدنا وربنا بيسبب الأسباب، فيه حاجات بتحصل يعني كان فيه لخبطة حاجات كتيرة حصلت قبل الماتش منحتنا ثقة كاملة للفوز، وأنا كان عندي ثقة إن ربنا هيكرمنا وكنت حاسس إني هجيب جول واكسب الفريق».

أحمد سمير: البطولة خارج الأهلي والزمالك قيمتها كبيرة

وأوضح أحمد سمير: «لما قعدنا اتكلمنا مع بعض قلت للاعبين إحنا مش هنلعب سوبر كل يوم الماتش ده ممكن كل واحد فينا يلعبه مرة في حياته، تخيل 90 دقيقة واقفة على تاريخ ليك، يمكن أنا كسبت قبل كده بطولات مع نادي الزمالك الدوري والكأس، لكن إنك تحصل على بطولة خارج الأهلي والزمالك قيمتها كبيرة جدا ولها معنى كبير».

وكان طلائع الجيش نجح في التتويج لأول مرة ببطولة منذ ظهوره في الدوري الممتاز.