رئيس مجلس الادارة:

د.محمود مسلم

رئيس التحرير:

مصطفى عمار

حسام حسن يفتح النار على مسئولي الكرة لعدم اختياره لقيادة المنتخب: «عايزين يفطسونا»

07:22 ص | الخميس 14 أكتوبر 2021
حسام حسن يفتح النار على مسئولي الكرة لعدم اختياره لقيادة المنتخب: «عايزين يفطسونا»

حسام حسن

فتح حسام حسن المدير الفني للاتحاد السكندري، النار على المسؤولين عن اختيارات الأجهزة الفنية للمنتخب الوطني الأول وكذلك المنتخب الأولمبي.

وقال حسام حسن، خلال ظهوره ببرنامج «ملعب أون تايم» رفقة الإعلامي سيف زاهر: «أنا مكنتش هتكلم في أمر عدم اختيارنا لقيادة منتخب مصر نهائيًا، ولكن بيتم اختصار الاختيارات عن طريق مجموعة معينة، 3 أو 4 أفراد ليس لهم علاقة بالكرة، مش هتكلم عن نفسي بتكلم عن كلام عام، وأحنا اتكرمنا من الشعب المصري، في اختيار المدير الفني للمنتخب، مساندة كبيرة وهي وسام على صدري، ولو مت دلوقتي أنا وإبراهيم نجحت في الحصول على أقصى شئ البشر بمختلف انتماءتهم قالوا محتاجين ده، دي كفاية، أنا مش همسك عشان عايز اتصور واتمنظر، كتير كلمونا عشان نتكلم في الموضوع ده وتم الرفض».

حسام حسن: لولا أن مؤتمر المباريات إجباري لقررت عدم الحضور نهائيًا

وتابع: «لولا إن فيه مؤتمر صحفي إجباري خاص باتحاد الكرة لن أتحدث نهائيًا في أي وسيلة إعلامية ،لأن أنا عايز اشتغل فقط، المستطيل الأخضر فقط ولعيبتي كل تركيزي، ولكن أنت متبوظش صورتنا وتقول أصله عصبي، عملنا كله أكشنات، الجمهور أكشنات، ورد الفعل وكذلك المدرب أرسين فينجر ومورينيو أكبر مدربي العالم، الاتنين كان الفاصل بينهم دائمًا الحكام في الدوري الإنجليزي، محدش قال عليهم عصبيين ليه، قولوا إنكوا مش بتحبونا وهنفطسكم، ولكن كلمة من الآخر، هنفضل كده هنشتغل بقلبنا واللي عايزنا أهلا بيه أحنا تحت أمر بلدنا في أي حاجة».

وكانت بعض الجماهير طالبت بتواجد حسام حسن على رأس الإدارة الفنية للمنتخب المصري، عقب رحيل حسام البدري، إلا أن اتحاد الكرة لم يتحدث مع مدرب وطني نهائيًا سوى حسن شحاتة حسبما ذكر كريم حسن شحاتة في تصريحات تلفزيونية قبل أن يقرر مسؤولو الجبلاية التعاقد مع البرتغالي كيروش.