الخطيب: كهربا لاعب ملتزم.. وزعلت على رمضان صبحي
02:20 ص | الأربعاء 24 نوفمبر 2021
كهربا
علق محمود الخطيب، رئيس مجلس إدارة النادي الأهلي، على عدم مشاركة محمود كهربا خلال الفترة الماضية، رفقة الفريق الأول تحت قيادة المدير الفني موسيماني.
الخطيب لـ شوبير: مبسوط إن كهربا عمل بنصيحتك
وقال الخطيب في تصريحات تليفزيونية: «أنا أحترم قرارات المدير الفني، ولا يمكن أتدخل فيها، ولكن أنا مبسوط أنه كهربا أخد بنصيحتك يا شوبير، وبدأ بالفعل يتمرن ويشتغل على نفسه منذ فترة وده المطلوب، وكمان حابب أقول أن سيد عبدالحفيظ له دور كبير مع كهربا في كل الحاجات دي، واللاعب اتغير بشكل كبير للأفضل».
وتابع: «يجب على موسيماني وسيد عبد الحفيظ التفكير، في وضع اللاعب دايما في أسلوب التعامل مع الجميع، وهو لاعب كويس وملتزم، أه جات فترة أنه كان لسه معرفش قواعد الأهلي بس دلوقتي فهم أسلوبنا وقيمنا».
الخطيب يتحدث عن رحيل رمضان صبحي
وواصل: رمضان صبحي أنا زعلت عليه، لكن هو حر في اختياراته، ربنا يوفقه بس لازم الجميع يعرف أن النادي الأهلي هو من يصنع كل النجوم بعد توفيق الله، والأهلي مش بيزعل بس اللي بيزعل هو اللي يسيب الأهلي.
قائمة محمود الخطيب في انتخابات الأهلي 2021
أعلن محمود الخطيب، في وقت سابق قائمته في انتخابات القلعة الحمراء، وجاءت كالتالي، العامري فاروق نائباً، وخالد مرتجي أميناً للصندوق، والعضوية فوق السن، دكتور محمد شوقي وطارق قنديل ومحمد الدماطي ومهند مجدي ومحمد الغزاوي وخالد عبد القادر ومحمد سراج الدين، والعضوية تحت السن محمد الجارحي ومي عاطف.
تعليقات الفيسبوك