شكري نجيب
قال يحيى الكومي رئيس مجلس إدارة نادي الإسماعيلي، إن شكري نجيب، لاعب الفريق الأول لكرة القدم بالنادي، «لاعب كويس ولكن في حاجة مش مظبوطة»، بحسب تعبيره.
شكري نجيب لاعب الإسماعيلي
وأضاف الكومي في تصريحات لبرنامج الماتش الذي يُقدمه الإعلامي إيهاب الكومي: «شكري نجيب، عنده مشكلة قد تكون عائلية بنسبة كبيرة حسب ما بيقول، عرضنا عليه يكون أعلى عقد في النادي وهو رافض».
يحيى الكومي رئيس نادي الإسماعيلي
وأكمل رئيس الإسماعيلي: ده عقده الأخير في النادي، عقده ينتهي في نهاية الموسم، شكري نجيب بيلاوعنا ويراوغ النادي بشكل غريب، قعدنا أكتر من 6 أو 7 مرات معاه، واحنا مش صغيرين ده زي ابننا».
وواصل شكري نجيب «بيتكلم بأسلوب مش حلو، ومش هيلعب في نادي الإسماعيلي تاني، لو جاله أي عرض وهو موافق هنوافق، هيتدرب عادي بس مش هيلعب معانا، سنعرضه للبيع ولو رغب أي نادي في ضمه فلن نمانع».
يحيي الكومي رئيس نادي الإسماعيلي
وأتم تصريحاته قائلاً: «الإسماعيلي تلقى مليار و250 مليون جنيه في 4 سنوات ماضية، إحنا مش نادي فقير، إحنا المشكلة في إننا مش عارفين نصرف الفلوس في المكان المناسب وهو ده سبب المشاكل».
تعليقات الفيسبوك