محمد الشناوي حارس مرمى منتخب مصر
أكد محمد الشناوي، حارس مرمى منتخب مصر، على أن لاعبي الفراعنة يقدرون مساندة الجماهير لهم في كأس الأمم الإفريقية، مشيرا إلى أن نجوم المنتخب الوطني لا يركزون سوى على إسعاد الشعب المصري، وأن اللاعبين قدموا كل ما لديهم في مواجهة غينيا بيساو، وسيحاولون التركيز على المرمى بصورة أكبر ضد السودان.
وقال «الشناوي» في تصريحات تليفزيونية لبرنامج «اللعيب» المذاع على قناة «إم بي سي مصر»: «مساندة الجماهير لنا حاجة كبيرة جدا، اللاعبين كلهم عارفين إنهم بييجوا من مصر لحد هنا عشان يقفوا ورانا».
خاص "اللعيب".. محمد الشناوي: مفيش أي حاجة بتشغلنا غير التركيز في التدريب وإننا نفرح الجمهور
— اللعيب (@ELla3ebshow) January 15, 2022
تقدر تشوف الحلقه كامله على شاهد (اتفرج ببلاش)https://t.co/oV4buPWi76 #اللعيب#MBCMASR pic.twitter.com/3PAiMBQX76
وتابع: «الشوط الأول كنا وحشين، لكن الشوط الثاني رجعنا وضيعنا، طول المباراة وإحنا ماسكين الكورة، اللاعبين كانوا رجالة ونفذوا كل تعليمات الجهاز الفني في مباراة غينيا بيساو، إن شاء الله الجاي يكون أحسن ونقدر نفرح الجماهير».
محمد الشناوي وحجازي ومحمد صلاح نجوم المنتخب
وأكمل: «الضغوط على اللاعبين بسبب المباراة وليس شيء آخر، إحنا بنركز في البطولة فقط، ومفيش غير حاجة واحدة بتشغلنا فقط، وهي التدريبات والتركيز في المباريات، ونتمنى نفرح الشعب المصري ولازم نرجعهم مبسوطين».
وأتم حارس مرمى منتخب مصر حديثه قائلاً: «النهاردة عملنا كل اللي علينا في المباراة، وأهم حاجة إننا حققنا المكسب، وتركيزنا حاليًا على لقاء السودان، وهنلعب بنفس الروح ونفس التركيز وهنركز أكتر على الجول».
تعليقات الفيسبوك