رئيس مجلس الادارة:

د.محمود مسلم

رئيس التحرير:

مصطفى عمار

أحمد دويدار يهاجم مؤمن سليمان: «ضعيف الشخصية واللي جاي هيزعلك»

09:38 ص | الثلاثاء 22 فبراير 2022
أحمد دويدار يهاجم مؤمن سليمان: «ضعيف الشخصية واللي جاي هيزعلك»

أحمد دويدار

هاجم أحمد دويدار مدافع الفريق الأول لكرة القدم بنادي الزمالك السابق، اليوم الثلاثاء، مدربه السابق مؤمن سليمان، عبر حسابه على «فيس بوك»، وقال «دويدار»: «لقيت فيديو مؤمن سليمان بيقول هكسب دوري أبطال إفريقيا ازاي ومعايا مايوكا ورمزي خالد ودويدار ومصطفى فتحي، ده تقليل مننا من مدرب معندوش خبرة وفاكر نفسه عبقري زمانه».

وأضاف: «على فكرة، في ماتش العودة أمام صن دوانز، أنا لعبت من أفضل الماتشات في حياتي، وكنت نفسي ناخد البطولة بس للأسف طريقتك الهجومية في ماتش الذهاب في صن داونز هي سبب خسارة البطولة، وقولت في المحاضرة هنجيب هدفين في أول ربع ساعة، وحصل العكس ودخل فينا 3».

أحمد دويدار يهاجم مؤمن سليمان

وتابع مدافع الزمالك السابق: «يا مؤمن انت عدو نفسك، فشلت في سموحة وبعد كده في المقاصة، انت مش مدير فني، انت مدرب عام كتير عليك كمان، وشخصيتك ضعيفة مع اللاعبين ومبتعرفش تسيطر على أوضة اللبس، وبلاش أقول انت اتشتمت من مين وأنا اللي خليته يبوس فوق دماغك ويعتذرلك قدام الناس، مفيش فريق دربته غير لما لاعب يتخانق معاك».

وواصل: «انت هتشوف نفسك علشان الأول في الدوري العراقي؟، وأنا اللي كنت بقول للاعبين أنا أحسن من كوبر وحسام حسن وميدو وعبقري زماني، يا راجل انت بتلف على كل لاعب تاخد رأيه في التدريب وتشكيل الماتش، انت مهزوز جدا، انت كل متطلع تقول 14 لاعب، إيه علاقة ده بطريقة اللعب والفتي؟ ليه العند وتبرير الفشل؟ ماتقول إنك غلطت وخلاص».

دويدار: مؤمن سليمان سبب خسارة الزمالك لدوري أبطال إفريقيا 

واختتم: «هفضل أقول انت سبب رئيسي في خسارة دوري أبطال إفريقيا، في ماتش صن داونز، كانت بطولة سهلة، وربنا يهديك على نفسك يا روتيشن، مكنتش حابب أتكلم عنك بس لازم أرد عليك، هتجيب سيرتي تاني اللي جاي هيزعلك».