مجدي عبد الغني
أكد مجدي عبد الغني، نجم الأهلي ومنتخب مصر سابقًا، أن رؤيته في قدرات الجنوب أفريقي بيتسو موسيماني، المدير الفني للقلعة الحمراء كانت صحيحة، في ظل التصريحات التي يدلي بها عبر وسائل الإعلام الجنوب أفريقية وإصراره على الاستمرار في المغرب وعدم العودة للقاهرة حتى الوقت الجاري.
وكتب مجدي عبد الغني عبر حسابه على موقع التواصل الاجتماعي «فيس بوك»: «دايماً لما بنتقد أمور مش صحيحة في النادي الأهلي بعض الناس بتقول إني بتكلم كدا عشان مصالح وأسباب شخصية».
وأضاف: «طيب أنا من زمان بقول إن موسيماني بيكسب بالحظ ومفيش أداء فى الملعب ومامته دعياله عشان يحقق البطولات دي، الناس ساعتها طلعت تهاجمني ودلوقتي بعد خسرنا بطولة أفريقيا كله بيتكلم عن مستوى الأهلي السيئ وبيقولوا نفس الكلام اللي قولته من زمان».
ميكيسوني لاعب الأهلي
وقال مجدي عبد الغني عن بيرسي تاو وميكيوني، ثنائي النادي الأهلي: «أنا أول واحد قولت إن ميكسيوني لاعب لا يصلح للأهلي تماماً وبردوا اتهاجمت والنهاردة لجنة الكرة وإدارة الأهلي بتدور علي عرض عشان يتخلصوا منه!».
وواصل البلدوزر: «لما اتكلمت علي بيرسي تاو وقلت حرام المبلغ الكبير اللي اتدفع فيه وعندنا لاعيبة مصرية أحسن منه ولو خدوا فرصة هيبقوا أحسن منه 10 مرات حتى لو من الناشئين وبردوا اتهاجمت بطريقة غريبة، دلوقتي موسيماني طالع يدافع عن تاو بعد ما اللاعب انكشف مستواه الحقيقي فى المباريات المهمة».
وأتم: «احنا لما بنتتقد بنقول اللي شايفينه بما يرضي الله عشان الأمور تمشي صح وعشان هدفي دايما أن فريقي وبيتي النادي الأهلي يكون في أفضل مكانة ويحقق كل البطولات بأفضل أداء ممكن».
تعليقات الفيسبوك