رئيس مجلس الادارة:

د.محمود مسلم

رئيس التحرير:

مصطفى عمار

رضا عبدالعال يرفض عرض الجبلاية للمشاركة في التطوير: «عايزين يغرقوني»

06:36 م | الجمعة 10 يونيو 2022
رضا عبدالعال يرفض عرض الجبلاية للمشاركة في التطوير: «عايزين يغرقوني»

رضا عبدالعال

علق رضا عبدالعال لاعب الأهلي والزمالك والمنتخب المصري السابق، على تصريحات إيهاب الكومي عضو مجلس إدارة اتحاد الكرة المصري، التي قال فيها إن هناك خطة لمدة عامين من أجل النهوض بالكرة المصرية، سيجري عرضها على رضا عبدالعال وبعض نجوم الكرة القدامى.

وقال رضا عبدالعال في تصريحات خاصة لـ«الوطن سبورت»: «كنا فين قبل اختيار إيهاب جلال؟ لماذا لم يستعينوا بنا؟ جايين بعدما غرقت؟ هما قاصدين يغرقوني ويغرقوا الباقي عشان يقولوا شوفوا الخبراء هما اللي قالوا وهما اللي اختاروا، أرفض طبعا، ولو تمت الاستعانة بيا مش هستجيب، عايزين يكمموا الأفواه، أنا بتكلم من أجل مصر فقط».

وتابع : «عايزين يجيبوني عشان الناس تقول بصوا رضا عبدالعال كان بيهاجم عشان يمسك حاجه في اتحاد الكرة، دول عالم فشلة ولن أعمل مع فشلة نهائيًا، وهيفشلوني لو اشتغلت معاهم، اتحاد الكرة لازم يمشي، الرياضة في مصر عايزه تغيير دم جديد، والبداية من اتحاد الكرة، وبعد كده الأندية».

وتطق للحديث عن مستقبل منتخب مصر والمدير الفني حال جرى الاستقرار على مدرب مصري جديد خلفا لـ إيهاب جلال، حال رحيله: «حسام حسن لو مصري، ومش لازم إبراهيم توأمه، نعرض عليه كده، ولو رفض خلاص ميجيش ونبقى عملنا اللي علينا».

رضا عبدالعال: جربوا جونياس «كان معلم الأهلي والزمالك الأدب»

وعن المدرب الأجنبي، اقترح رضا عبدالعال، أن يكون اليوناني تاكيس جونياس المدرب الحالي لبيراميدز، قائلًا: «نجرب تاكيس جونياس، هو عارف قيمة الكرة المصرية، وقيمة محمد صلاح، وكان معلم الأهلي والزمالك الأدب، وكان معاه لاعبين مكنش حد يعرفهم نهائيا، وعنده فكر كبير، لكن إيهاب جلال معندوش فكر، واللي حصل من كيروش إيهاب جلال ذنب حسام البدري».

وواصل الحديث عن حسام البدري قائلًا: البدري ما أخفقش، متعادل خارج ملعبه، ولم يوافقوا على إقامة مباريات ودية، الراجل كان بيتكلم معاهم ليل نهار على المباريات ورفضوا، وكيروش خد ميزات كتيره جدا محدش خدها».

رضا عبدالعال: أين ياسر ريان وعمار حمدي؟ ومحمد بسام اتظلم

وأضاف «عبدالعال»: «طول ما في ظلم للاعبين الحال مش هيتصلح، لازم تدعيم المنتخب من لاعبي المنتخب الأولمبي، مفيش غير أكرم ورمضان، فين ياسر ريان؟ وفين عمار حمدي؟ حتى لو مش مصاب مش هيتاخد في المنتخب، الحارس محمد بسام اتظلم، وفين أسامة جلال؟ عمر مرموش عمل إيه؟ أحمد رفعت كان له شخصية كبيرة جدا مع المنتخب».